2 Coríntios 6

4 Kansi, mu misamu mimvimba, tuna sosa mu nzila zimvimba mu kilonka bonso bisadi bi Nzambi: tukwe tatamananga mu vibidila mpasi, mu mulembolo ba na kima na mu nkwamusu. 5 Batuzuba bikoti na batutuula mu boloko, mukangu wutunangumukina, tusala bisalu bingolo, tumina nsoki na tubwa tolo ko. 6 Tuna kilonka bisadi bi Nzambi mu mvedosolo, mu nzayilu yi Nzambi, mu mvibudulu, mu bumbote, mu Mpeve Yilongo na mu luzolo lukedika, 7 mu Mambu ma kikedika, mu lulendo lu Nzambi, mu binwanunu byeto bye nwanina na bye kikakidila ni mu sa lunungu ha ntadisi yi Nzambi, 8 ni kuba mu kati di nkembo hoti mu mvwezolo, mu mwangusunu yi nsangu zimbi hoti zimbote. Bana tubongila bonso bantu baluvunu, mpeleko tuna ta makedika, 9 bonso bantu balembolo zabakana, mpeleko batoma zabakana tudi, bonso bantu bafwa, mpeleko nkatika bamoyo tudi. Bana tuyenina bonso bantu ba bana semba, mpeleko bana tuhonda ko, 10 bana tuyenina bonso bantu baa mu kyadi, mpeleko ntangu zimvimba tudi bakiyangidika, bonso bantu bamputu, mpeleko babingi tuna vwamisa, bonso bantu balembolo ba na kima, mpeleko bimvimba bii neeto.