1 Yeto mpe batuzungididi ku mpumbu yiyinene beyoyo yi zimbangi, tuloseeno bizitu bimvimba bina tukakidila mu dyata, sungula masumu mameni tulwata, tutatamaneeno mu nooka ntiinu zii ku mutwala eto. 2 Tusikikeeno meso meto mu Yesu, mu yandi kiminu kyeto kitonina mpe yandi kwe lungisanga kyo. Wutambula mu fwa ha kulunsi wulembolo yena nsoni, mu dyambu ti mu mayindu mandi wuyena kyese ki bamukubikila. Bwabu wuzakala kadi ha kooko ku lubakala lu kyandu ki kintinu ki Nzambi.

3 Bambukeeno moyo, bwedi kavibidila mpasi zi muyenisa minsumuki myedi mu belanga, mwanki lulembolo kota mu bunokina na mu lebakani.