3 Bwabu, Masonama nki mana ta e? Abalahami wukwikila Nzambi na Nzambi wumubongila bonso muntu wulunungu mu dyambu di kiminu kyandi.
9 Kyese kibobobo kitadidi kwandi bazengoso bubakala, hoti mpe balembolo zengoso bubakala e? Ni hahoho tukwe teelanga ti: Nzambi wubongila Abalahami bonso muntu wulunungu mu dyambu di kiminu kyandi. 10 Kansi, mu nkye ntangu kamubongila muntu wulungu e? Ku manima Abalahami ma kazengoso bubakala hoti tekila kazengoso bo e? Kaani! Ka kulandila ko, kansi tekila kazengoso bubakala! 11 Nzengosolo yi bubakala bu Abalahami yiba bonso kidimbu kina lonka ti Nzambi wumubongila muntu wulunungu mu dyambu di kiminu kyandi, buna kazengoso bubakala bwandi ko. Bwabobo kayiza bela ha kimosi tata di minkwikidi mimvimba milembolo zengoso bubakala, mwanki lunungu luyenika kuu yawu.
16 Buna mu nzila yi kiminu tukwe tambudilanga fwa, mwanki wuba munkayulu wumpamba, mpe nkuna yimvimba yitambula nsilulu. Nsilulu yi lendi ba kaka ku yobobo bakwe vuminanga Misiku ko, kansi ku yobobo mpe bakwe kwikilanga bonso Abalahami. Abalahami wudi tata di yeto bamvimba. 20 Kiminu kyandi kizeza ko mpe kasa maketiketi ko mu dyambu di nsilulu yi Nzambi. Kansi kiminu ki muhaana ngolo na wukembila Nzambi. 21 Wukwikila nakekete ti Nzambi wuu na lulendo mu lungisa nsilulu yi kasa.