15 Kedika, misamu mi nina hidika, nina mye bakula ko. Myo mintidi, nina mye hidika ko. Kansi myo mi nina lembolo tya, myamyomyo nina hidika. 16 Tala ti, nina hidika myo mi nina lembolo tya, mbakudi ti Musiku wumbote wudi. 17 Bwabu, ka meno ko nina hidika bobo, kansi ni masumu mana zinga mu meno.
18 Kadi, nzebi ti nidi na misamu mimbote ko, mpila mosi mu kimuntu kyani. Nidi na luzolo mu hidika misamu mimbote, kansi nidi na lulendo ko mu hidika myo. 19 Mu dyambu ti, misamu mimbote mi natiidi, nina hidika myo ko. Kansi misamu mimbi mi nina lembolo tya, myamyomyo nina hidika. 20 Tala ti nina hidika misamu mi nina lembolo tya, nasidi dyaka meno ko nina hidika myo, kansi ni masumu mana zinga mu meno.
21 Bwabu ni nabakudi Musiku ewu: tala ti ntiidi mu hidika misamu mimbote, ni misamu mimbi kaka nakwe lendanga mu hidika. 22 Mu kati di mutima ani, nakwe yangalalanga Misiku mi Nzambi. 23 Kansi, mu kati di nitu ani yimvimba, nakwe yenanga ti Musiku wuhiika wukwe nwanisanga Musiku wu madyela mani, mpe wukwe nkitulanga nkole yi Musiku wu masumu wudi mu nitu ani. 24 Aa kyadi meno muntu! Nani kwani waankuula mu nitu yilufwa e? 25 Nina vutula matondo ku Nzambi mu nzila yi Yesu-Klisto, Mfumu eto!
Bwabu, mu madyela mani, nidi mundongo wu Musiku wu Nzambi, kansi mu kimuntu kyani, nidi mundongo wu Musiku wu masumu.