Masumu na Misiku
7 Nki tulendi ta bwabu e? Musiku, disumu didi e? Kaani! Kansi, ni mu Misiku kaka nzabidi masumu. Na keti zaba nzinunu ko tala ti Misiku mita ko ti: «Kuzininandi ko.» 8 Masumu bu mabaka hwahwa mu lutumu, ni mabuta mu meno nzinunu zimvimba zi mumpila-mumpila. Mu dyambu ti, tala ti kunaani Misiku, masumu kima kifwa kwandi kidi.
17 Bwabu, ka meno ko nina hidika bobo, kansi ni masumu mana zinga mu meno.
18 Kadi, nzebi ti nidi na misamu mimbote ko, mpila mosi mu kimuntu kyani. Nidi na luzolo mu hidika misamu mimbote, kansi nidi na lulendo ko mu hidika myo. 19 Mu dyambu ti, misamu mimbote mi natiidi, nina hidika myo ko. Kansi misamu mimbi mi nina lembolo tya, myamyomyo nina hidika. 20 Tala ti nina hidika misamu mi nina lembolo tya, nasidi dyaka meno ko nina hidika myo, kansi ni masumu mana zinga mu meno.
23 Kansi, mu kati di nitu ani yimvimba, nakwe yenanga ti Musiku wuhiika wukwe nwanisanga Musiku wu madyela mani, mpe wukwe nkitulanga nkole yi Musiku wu masumu wudi mu nitu ani.