Nkembo wuna kwiza
18 Nazebi ti mpasi zi tuna yena ntangu beyiyi, zilendi fwanakana na nkembo waatulonka Nzambi ko.
26 Bumosi mpe, Mpeve yikwe tusadisanga tala ti tulebakani, mu dyambu ti, tuzebi mu sambila ko bonso bufwanakani. Kansi, Mpeve yandi bende kwe tusambidilanga mu zimpova muntu zi kalendi lembolo duukisa.
28 Tuzebi ti bima bimvimba bina lonka mambote ku yobobo batiidi Nzambi, yobobo bakatumisa bonso budi makani mandi. 29 Mu dyambu ti, Nzambi wuteka basoola na wukana ntete mu bafwanikisa na Mwana andi, mwanki yandi kaba kihunda ki zimpangi zizingi.
35 Nani lenda tuhambisa mu luzolo lu Klisto e? Mpasi hoti nzungu, mfyetokoso hoti nsatu, bumputu, nsisi hoti mbele yi mvita e?
37 Kansi, mu mimvimba bemyomyo, tunungini mu nzila yi yondowo wututya. 38 Ee, nkwikidi ti kunaani kima kilendi tuhambisa na luzolo lu Nzambi : ni luba lufwa, luzingu, zimbazi, bimfumu, bima bi ntangu beyiyi na bina kwiza, lulendo, 39 ngolo zi yulu na zi butoto, mpe kani kima kihiika kihidika Nzambi kilenda tuhambisa na luzolo lu Nzambi luyenikini mu Yesu-Klisto, Mfumu eto.