ሳኦል አማሌቃ አሳ ቦላ ደንዳ ኦላ
1 ሳመል ሳኦላ፥ "ባረ አሳ እስራኤልያ ቦላ ኔን ካተታናዳን ኦካናዉ መና ጎዳይ ኪቴዳዌ ታና፤ መና ጎዳ ቃላ ስሳ።15:1 1 ሳሜላ 10:1 3 ሀእ ባ፤ አማሌቃ አሳቱዋ ሾጫ፤ ኡንቱንቶ ደእያዋ ኡባ ኡባና ይሳ፤ ኡንቱንታ አሾፓ፤ ኡንቱንታ ማጫዋ አቱማዋ፥ ምያዋ ቁጭያዋ፥ ሚዛ ዶርሳ፥ ጋሉዋነ ሀርያ ዎ’ ያጌ" ያጌዳ።
9 ሽን ሳኦልነ አ ኦላንቻቱ፥ አጋጋነ ኡባፐ ሎእያ ዶርሳቱዋ፥ ሚዛቱዋ፥ ቦልትቦልታ ማራቱዋ፥ ጋሎቱዋነ ሀራ ሎኦባቱዋ ኡባ አሸድኖ፤ ኡንቱንቱ ሀዋንታ ኡባና ዎ ዉርሳናዉ ዶስበይክኖ፤ ሽን ኡንቱንቱ ላፋባነ ካቴዳዋ ኡባና ይሴድኖ።
13 ሳመል ሳኦላኮ ጋኬዳ፤ ሳኦል ሳመላ፥ "መና ጎዳይ ኔና አንጆ፤ ታን መና ጎዳ አዛዙዋ ኦድ" ያጌዳ።
15 ሳኦል፥ "ኦላንቻቱ ሀዋንታ አማሌቃቱዋፐ አሄድኖ፤ ኡንቱንቱ መና ጎዳዉ፥ ነ ጾሳዉ ያርሻናዉ፥ ኡባፐ ሎእያ ዶርሳቱዋነ ሚዛቱዋ አሸድኖ፤ ሽን ሀራቱዋ ሙልያካ ይሴዶ" ያጌዳ።
22 ሳመል ሳኦላ፥ "መና ጎዳይ ባረ ቃላዉ አዛዘትያዋን ናሸትያዋ ኬሻ ጹግያ ያርሹዋንነ እሞታን ናሸቲ? በአ፤ አዛዘትያዌ ያርሽያዋፐ አ፤ ቃይ ስስያዌ ዶርሳ ሞዋፐ አ። 23 አያዉ ጎፐ፥ ብያዌ ሻሬችያ ናጋራ ማላ፤ ቃይ ኦቶረትያዌ ኤቃዉ ጎይንያ እታተ ማላ። ኔን መና ጎዳ ቃላ እጼዳ ድራዉ፥ እ ኔን ካትያ ግድያዋ እጼዳ" ያጌዳ።