1 ሄዋፐ ጉይያን፥ እቼሸን ኪታንቻይ ባረ ማላካታ ፑንና ሳሉዋፐ ዱገ ሳኣ ኩንዴዳ ጾልንትያ በኣድ። ሄ ጾልንተዉ ጪሞ ኦላ*9:1 ጪሞ ኦላ፦ ሀዋ ጉሳይ ጋርሳ ባጋ ቢታን ዳርስ ጪማቲደ ደእያ ኢታ አያናቱ ባረንቱ ዉርሰ ሙራ ጋላሳይ ጋካናዉ ቃሸቲደ ደኢያሳ። ቁልፒ እመቴዳ። 2 ጾልንቲ ጪሞ ኦላ ዶዬዳ፤ አኮ ጮጭያፐ ከስያ ጩዋ ማላ ጩዋይ ሄ ጪሞ ኦላፐ ከሴዳ። ቃይ አዋይነ ሳአይ ሄ ጪሞ ኦላፐ ከሴዳ ጩዋን ሜድኖ።✝9:2 ዶመ 19:28

3 ጩዋፐ ቦሊ ዱገ ሳኣ ዬዳ። ሳኣን ደእያ ሶጋቶ ደእያ ዎልቃ ማላ ዎልቃይ ቦለዉካ እመቴዳ።✝9:3 ከሳ 10:12-15 4 ጾሳ ማታፋይ ዴሙዋን ባይና አሳ ጻላላ ቆሀናፐ አትን፥ ሳኣን ደእያ ማታ ዎይ አጭያ ም ግድና ዎይ አይ ም ግድናካ ቆሄና ማላ፥ ቦለዉ ኦደቴዳ።✝9:4 ህዝ. 9:4 5 ቦሊ ሄ አሳ እቼሹ አገና ግድያዋ ፓጻ ካአና ማላ፥ ማታይ እመቴዳዋፐ አትን፥ አዉ አሳ ዎናዉ ማታይ እመትቤና። ሶጉ አሳ ዱኪደ ሴልስያዋ ኬና ቦሊ ሴልሴ። 6 ሄ ጋላሳቱዋን አሳይ ሀይቁዋ ኮያና፤ ሽን ደመና። ቃይ ሀይቃናዉካ አሞታና፤ ሽን ሀይቁ አሳፐ ባቃታና።✝9:6 ኢዮባ 3:21፤ ኤር. 8:3

7 ቦሊ ኦላዉ ጊግ ኡቴዳ ፓራ ማላቴ። ቦልያ ሁጲያን ዎርቃ ማላትያ ካላቻይ ደኤ፤ አ ዴሙካ አሳ ዴሙዋ ማላቴ።✝9:7 ኢዩ. 2:4 8 አ ብናናይካ ማጫ አሳ ብናናይዳ አዱቄ፤ አ አቻይካ ጋሙዋ አቻ ማላቴ።✝9:8 ኢዩ. 1:6 9 አ ትራይ ብራታን ኦዳ ጎንዳልያ ማላትያዋን ጎዘት ኡቴዳ፤ ቃይ አ ቀፍያ ኮሻይ ኦላ ባናዉ ፕሪጽያ ፓራቱ ጎችያ ጋርያ ኮሻ ማላ።✝9:9 ኢዩ. 2:5 10 አዉ ሶጉዋ ዱፍያ ማላትያ ዱፊ ደኤ፤ አ ዱፍያን ዱክያባይ ደኤ። ሄ ዱፍያን እቼሹ አገና ግድያዋ አሳ ቆሀናዳን፥ አዉ ማታይ እመቴዳ። 11 አ ሞድያ ካቲ ደኤ። ሄ ካቲ ጪሞ ኦላ ኪታንቻ። አ ሱንይካ እብራይስጸ ቃላን አብዶና፤ ቃይ ግሪከ ቃላን አጶልዮና ጌተቴ። አጶልዮና ግያዎ ብለይ፥ ይስያዋ ግያዋ።

12 ኮይሮ አዬሮ ግያዌ አዳ፤ በአ፥ ብሮ ሀራ ላኡ አዬሮ ግያዌ ያናዋ።

13 ኡሱፑን ኪታንቻይ ባረ ማላካታ ፑኔዳ። ጾሳ ስንን ኤቄዳ ዎርቃፐ መዳ ያርሽያሳን ደእያ ኦይዱ ጋጻ ካጨቱዋፐ እት ኮሻ ስሳድ።✝9:13 ከሳ 30:1-3 14 ሄ ኮሻይ ማላካታይ ደእያ ኡሱፑን ኪታንቻ፥ "ኤፍራጺሳ ግያ ዎጋ ሻፋን ቃሸቴዳ ኦይዱ ኪታንቻቱዋ ብላ" ያጌዳ። 15 አሳ ዛርያፐ ሄዘን ኩሽያ ዎናዉ፥ ሀ ሳትያዉ፥ ጋላሳዉ፥ አገናዉነ ላይዉ ጊግስ ዎዳ፥ ኦይዱ ኪታንቻቱ ብለቴድኖ። 16 ኦላ ፓራ ቶግያ አሳ ፓይዱ ላኡ ጼቱ ሚሎነ ግድያዋ ታን ስሳድ።

17 ቃይካ ታን ሳጻን ፓራቱዋነ ሄ ፓራቱዋ ቶጌዳ አሳ በኣድ። አሳዉ ትራን ዎያ ብራታ ጎንዳልያ ማላይ ደኤ። ሄ ትራን ዎያ ብራታ ጎንዳልያ ማላይ ታማዳን ዞኦ፤ ሳማይያ፤ ቃይ ኤጽያ ዲንያ ማላ። ፓራቱዋ ሁጲ ጋሙዋ ሁጲያ ማላ። ኡንቱንቱ ዶናፐ ታማይ፥ ጩዋይነ አድልያ ጪሻ ማላትያ ኤጽያ ዲንያ ታማይ ከሴዳ። 18 ፓራቱዋ ዶናፐ ከሴዳ ታማን፥ ጩዋንነ ኤጽያ ዲንያን ሀ ሄዙ ቦሻቱዋን አሳ ዛርያፐ ሄዘን ኩሺ ሀይቄዳ። 19 አያዉ ጎፐ፥ ፓራቶ ዎልቃይ ዶናንነ ዱፍያን ደኤ። ኡንቱንቱ ዱፊካ ሁጲያና ደእያ ሾሻ ማላቴ፤ ሄዋን ኡንቱንቱ አሳ ቆሂኖ።

20 ሀ ቦሻቱዋን ሀይቀናን አቴዳ አሳይ ባረ ኩሽያን ኦያዋ አግቤና። ቃይ ዎርቃፐ፥ ብራፐ፥ ናሃስያ ጌተትያ ብራታፐ ሹቻፐነ ምፐ ኦሰቴዳ፥ ጼላናዉ ዎይ ስሳናዉ ዎይ ሀመታናዉ ዳንዳየና ኤቃዉነ ጻላህያዉ ጎይንያዋካ አግቤና።✝9:20 ማዝ. 115:4-7፤ 135:15-17፤ ዳኔላ 5:23 21 አሳይ ኤሪድ ዎዳዋ፥ ዎይ ባረ ብቴዳዋ፥ ዎይ ባረ ዎሹሜዳዋ፥ ዎይ ባረ ዉኤዳዋ አጊደ፥ ባረ ናጋራፐ ስምቤና።