12 መና ጎዳይ ሙሳ፥ "ቦሊ ግብጼ ጋድያን ከሳናዳን፥ ሻቻፐ አቲደ ጋደን ድጭያባ ኡባ ልምእ ኦና ማላ፥ ነ ኩሽያ ግብጼ ጋድያ ቦላን ምጫ" ያጌዳ።
13 ሙሴ ባረ ጋትማ ግብጼ ጋድያ ቦላን ምጭና፥ መና ጎዳይ አዋይ ዶልያ ባጋ ጫርኩዋ ሄ ጋላሳነ ቃማ ኡባ ሄ ጋድያ ቦላን ጫርክሴዳ፤ ዎንቴዳ ዎደ ሄ ጫርኩ ቦልያ አሄዳ። 14 ቦሊ ግብጼ ቢታ ኡባ ቦላ ሻምእ ጊደ፥ ቢታ ኡባ ሳን ከስ ኡቴዳ። ሀዋ ኬሻ ቦልያ ቦሻይ ሄ ቢታን ሀዋፐ ካሰና ሀንቤና፤ ዎይ ሀዋፐ ስንዉነ ዛረደ ሀነና።10:14-15 ሳፃ 9:2-3 15 ቢታይ ካረጻና ጋካናዉ ቦሊ ቢታ ኡባ ካሜዳ። ሄ ቦሊ ሻቻፐ አቲደ ጋደን ድጭያባ ኡባነ ም ቦላን ደእያ አይፍያ ኡባ ምልጽ ኦዳ። ያትና ም ቦላን እርጻ ሀይይ፥ ዎይ ጋደን አታክልቲ ግብጼ ቢታ ኡባን አያይነ አትቤና።
12 Med’inaa Goday Musa, «Boolii Gibs’e gadiyaan kesanaadan, shachchaappe attiide gaden dic’c’iyaabaa ubbaa lim"i ootsana mala, ne kushiyaa Gibs’e gadiyaa bollan mic’c’a» yaageedda.
13 Muse bare gatimaa Gibs’e gadiyaa bollan mic’c’ina, Med’inaa Goday away doliyaa bagga c’arkkuwaa he gallassanne k’amma ubbaa he gadiyaa bollan c’arkkisseedda; wontteedda wode he c’arkkuu booliyaa aheedda. 14 Boolii Gibs’e biittaa ubbaa bolla sham"i giide, biittaa ubba saan kessi utteedda. Hawaa keeshshaa booliyaa boshay he biittaan hawaappe kasenna hanibeenna; woy hawaappe sintsawunne zaaretsiide hanenna.10:14-15 Sas'. 9:2-3 15 Biittay kares’s’ana gakkanaw boolii biittaa ubbaa kammeedda. He boolii shachchaappe attiide gaden dic’c’iyaabaa ubbaanne mitsaa bollan de’iyaa ayfiyaa ubbaa mils’s’i ootseedda. Yaatina mitsaa bollan irs’s’a haytsay, woy gaden ataakilttii Gibs’e biittaa ubbaan ayaynne attibeena.
+581 estão orando agora.
Junte-se à corrente de oração.