4 ኔን ኡንቱንታ የደናን እጾፐ፥ ነ ቢታ ቦላ ታን ዎንት ቦልያ አሀና፤ 5 ቦሊ ኦንነ ቢታ ደማናዉ ዳንዳየናዳን ቢታ ካማናዋ። ህንተንቶ ሻቻፐ አቴዳ ጉባ፥ ጋደን ድጭያ ምይካ አተናን ኡባ ማናዋ።
7 ካትያ ሱንቱ ካትያ፥ "ሀ ብታኒ ኑዉ አዉደ ጋካናዉ መቱዋ ጋሶ ግዳናዌ? ኡንቱንቱ መና ጎዳዉ፥ ባረንቱ ጾሳዉ፥ ጎይናና ማላ፥ ኔን አሳ የዳ፤ ግብጼ ቢታይ ባዬዳዋ ኔን ሀእካ አኬክኪ?" ያጌድኖ።
11 ቱይት፥ ህንተንቱ፥ ‘ጾሳዉ ጎይናና’ ጊደ ኦችያዋ ግዶፐ፥ አቱማ አሳ ጻላላይ ቢደ መና ጎዳዉ ጎይንተ" ያጌዳ። ሄዋፐ ጉይያን ሙሰነ አሮነ ካትያ ስንፐ የደርሰቲደ ከሴድኖ።
13 ሙሴ ባረ ጋትማ ግብጼ ጋድያ ቦላን ምጭና፥ መና ጎዳይ አዋይ ዶልያ ባጋ ጫርኩዋ ሄ ጋላሳነ ቃማ ኡባ ሄ ጋድያ ቦላን ጫርክሴዳ፤ ዎንቴዳ ዎደ ሄ ጫርኩ ቦልያ አሄዳ። 14 ቦሊ ግብጼ ቢታ ኡባ ቦላ ሻምእ ጊደ፥ ቢታ ኡባ ሳን ከስ ኡቴዳ። ሀዋ ኬሻ ቦልያ ቦሻይ ሄ ቢታን ሀዋፐ ካሰና ሀንቤና፤ ዎይ ሀዋፐ ስንዉነ ዛረደ ሀነና።10:14-15 ሳፃ 9:2-3 15 ቢታይ ካረጻና ጋካናዉ ቦሊ ቢታ ኡባ ካሜዳ። ሄ ቦሊ ሻቻፐ አቲደ ጋደን ድጭያባ ኡባነ ም ቦላን ደእያ አይፍያ ኡባ ምልጽ ኦዳ። ያትና ም ቦላን እርጻ ሀይይ፥ ዎይ ጋደን አታክልቲ ግብጼ ቢታ ኡባን አያይነ አትቤና።
19 መና ጎዳይ ሄ ጫርኩዋ አዋይ ዉልያ ባጋ ዎልቃማ ጫርኮ ላምና ቦልያ ቶክ፥ ዞኦ አባኮ አፌዳ። ግብጼ ቢታ ኡባን እት ቦሊነ አትቤና።