ከሳ 12:29-33,35,36

ግብጼቱዋ ባይራ የለታቱ ሀይቂ ዉሮባ

29 ቃማ ግዶ ብላህያን መና ጎዳይ ግብጼን ባይራ የለቴዳ ኡባ፥ ካዉተ ኦይድያን ኡቴዳ ካትያ ባይራ ናኣፐ ዶሚደ፥ ቃሾ ጎለን ደእያ ኦሞደቴዳዋንቱ ባይራ ናኣ ጋካናዉ፥ ቃይ ባይራ የለቴዳ መህያ ኡባ ድፕ ኦዳ።✝12:29 ከሳ 4:22-31 30 ካቲ፥ አ ኦሳንቻቱ ኡባይነ ግብጼ ጋድያ አሳይ ኡባይ ቃማ ደንዴድኖ። ግብጼ ጋድያን አሳይ ሀይቂቤና ጎሊ ኡባካ ባይና ድራዉ፥ አሳይ ኮሻ ቁ ኦደ ዎልቃማ ዬኩዋ ዬኬዳ። 31 ሄ ጋላስ ቃማ ካቲ ሙሳነ አሮና ጼሲደ፥ "ደንድተ! ህንተካ እስራኤልያ አሳይካ ታ አሳ ግዱዋፐ ከስ ቢደ ህንተንቱ ኦቼዳዋዳንካ መና ጎዳዉ ጎይንተ! 32 ህንተንቱ ጌዳዋዳንካ ህንተንቱ ዶርሳ ዉድያነ ህንተንቱ መህያ ዉድያ አኪደ ቢተ! ቃይ ታዉካ ዎስተ" ያጌዳ።

33 ግብጼ አሳይ እስራኤላቱ ጋድያፐ ኤለካ ከሳና ማላ ድርቢሴድኖ። አያዉ ጎፐ፥ ኡንቱንቱ፥ "ሄዌ ዮፐ፥ ኑን ኡባይካ ዉሬቶ" ያጌድኖ። 35 እስራኤለቱ ሙሴ ኡንቱንታ አዛዜዳዋዳን፥ ግብጼቱዋ ብራ ሚሻቱዋ፥ ዎርቃ ሚሻቱዋነ ማዩዋ፥ "እምተ" ጊደ ኦቼድኖ።✝12:35-36 ከሳ 3:21-22 36 መና ጎዳይ ግብጼቱዋ ስንን ሄ አሳይ ሳበታናዳን ኦና፥ ግብጼቱ ኡንቱንቱ ኦቼዳዋ እሜድኖ። ሄዋዳን ያቲደ ኡንቱንቱ ግብጼ አሳቱዋ ማጹዋ ቦንቂ አኪደ ቤድኖ።