Êxodo 15

ሙሴ የ

1 ሄ ዎደ ሙሴነ እስራኤልያ አሳይ ሀ የ መና ጎዳዉ የጼድኖ፤

"ቦንቹዋን ሎይ ቁ ቁ ጌዳ ድራዉ፥

ታን መና ጎዳዉ ማዝሙርያ የጻና።

ፓራነ ፓራ ጋርያነ ቶጌዳዋንታ አባን ኦሌዳ።✝15:1 ሳፃ 15:3

2 መና ጎዳይ ታ ዎልቃነ ታ ማዝሙርያ፤

እ ታና አሽያዋ ግዴዳ።✝15:2 ማዝ. 118:14፤ ኢሳ. 12:2

እ ታ ጾሳ፤ ታን አ ሳባና።

እ ታ አዉዋ ጾሳ፤

ታን አ ቁ ቁ ኦና።

3 መና ጎዳይ ኤረቴዳ ኦላንቻ፤

አ ሱንይካ መና ጎዳ።

4 ግብጼ ካትያ ፓራ ጋረቱዋነ

አ ኦላንቻቱዋ አባን ኦሌዳ።

ግብጼ ካትያ ካፓቱ፥

ኡባፐ አ ሎእያዋንቱ ዞኦ አባን ሙከቴድኖ።

5 ጪሞ ሃይ ኡንቱንታ ካሜዳ፤

ኡንቱንቱ ሹቻዳን ጪሙዋን ምተቴድኖ።

6 "አቤት መና ጎዳዉ፥ ነ ኡሸቻ ኩሺ

ዎልቃን ጎቤዳዋ፤

መና ጎዳዉ፥ ነ ኡሸቻ ኩሺ

ሞርክያ መንሬዳ።

7 ነ ቦንቹዋ ግታተን

ኔናና ጋዳቴዳዋንታ ኦላዳ።

ነ ኤጽያ ሀንቁዋ ኔን የድና፥

እ ኡንቱንታ ዳላዳን ሜዳ።

8 ነ ሲያና ከስያ ሸምፑዋን

ሃይ ዶረቴዳ።

ጎግያ ሃይካ ጎዳዳን ምን ኤቄዳ፤

ጪሞ ሃይ አባ ጎምፓን እርኪደ ምኔዳ።

9 "ሞርኪ፥

‘ታን ኡንቱንታ የደርሳደ ኦይቃና።

ታን ኡንቱንቱ ማጹዋ ሻካደ፥

ታ ኮዬዳዋ ኡባ አካና።

ታን ታ ማሻ ሾዳደ፥

ኡንቱንታ ይሳና’ ያጊደ ጬቀቴዳ።

10 "ሽን ነ ፔኑዋን ፑንና፥

አባይ ኡንቱንታ ካሜዳ።

ኡንቱንቱ ዎልቃማ ሃን

ብራታይ ምተትያዋዳን ምተቴድኖ።

11 አቤት መና ጎዳዉ፥ ጾሳቱዋ ግዶን

ነ ማላይ ኦኔ?

ጌሻተን ቦንቼትያዌ፥

ቦንቹዋን ያየትያዌ፥

ማላልያባ ኦያዌ ነ ማላይ ኦኔ?

12 ኔን ነ ኡሸቻ ኩሽያ ምጭና፥

ቢታይ ኡንቱንታ ምቴዳ።

13 "ኔን ዎዜዳ ነ አሳ

አገና ነ ሲቁዋን ካለዳ።

ኔን ነ ዎልቃን

ኡንቱንታ ኔን ደእያ ጌሻ ሳኣ ገልሳዳ።

14 ካዉተቱ ሄዋ ስሲደ

ኮኮሬድኖ።

ፕልስጼማ ጋድያ አሳቱካ

የሉ ኦይቄዳዋዳን ኡንኤቴድኖ።

15 ሄ ዎደ ኤዶማ ጋደ ካፓቱ ዳጋሜድኖ።

ሞኣበ ጋድያ ሞድያዋንታ

ያሻይ ኮኮርሴዳ።

ካናነ አሳቱዋ ሸኒ ሀይቄዳ።

16 አቤት መና ጎዳዉ ዳጋማይነ ያሻይ ኡንቱንታ ኦይቂና፥

ኡንቱንቱ ነ ዎልቃ ግታተ በኢደ፥

ነ አሳይ አና ጋካናዉ፥

ኔን ዎዜዳ አሳይ አና ጋካናዉ፥

ሹቻዳን ሙሚደ ኤቂኖ።

17 አቤት መና ጎዳዉ ኔን ኡንቱንታ አሃደ፥

ነ ቡዞ ጋደን ደእያ ደርያ ሁጲያን ቶከቴዳ ምዳ ዎ።

ሄ ሳአይ

ኔን ነዉ ደአናዉ ኦዳ ሳኣ፥

ሄ ጌሻ ሳአይ ኔን ነ ኩሽያን ምንሳደ ኤሴዳ ሳኣ።

18 መና ጎዳይ መናፐ መናዉ ካዉታናዋ።"

19 ግብጼ ካትያ ፓራቱ፥ አ ፓራ ጋረቱነ አ ፓራ አሳቱ አባን ገሌዳ ዎደ፥ መና ጎዳይ ኡንቱንቱ ቦላ አባ ሃ ጉየ ዛሪደ ኡንቱንቱ ቦላ አሄዳ፤ ሽን እስራኤላቱ አባ ግዱዋና መላ ቢታን ሀመቲደ ቤድኖ ያግ የጼድኖ።

ማይራም የ

20 አሮና ምቻታ፥ ናባታ ማይራማ ዳርቢያ አካዱ፤ ማጫ አሳይ ኡባይ ዳርቢያ ባቂደነ የጺደ እዞ ካሌድኖ። 21 ማይራማ ኡንቱንቶ የ የጻደ፥

"መና ጎዳይ ሎይ ቁ ቁ ጌዳ ድራዉ፥

አዉ የጽተ።

ፓራነ ፓራ ቶጌዳዋ

እ አባን ኦሌዳ" ያጋደ የጻዱ።

ጫምያ ሃነ ሎኦ ጮራ ፑልቱዋ

22 ሄዋፐ ጉይያን ሙሴ እስራኤልያ ዞኦ አባፐ ካለና፥ ኡንቱንቱ ሱር ጌተትያ መላ ቢታ ቤድኖ። ሄ መላ ቢታን ኡንቱንቱ ሃ ደመናን ሄዙ ጋላሳ ሀመቴድኖ። 23 ኡንቱንቱ ማራ ግያ ሳኣ ጋኬዳ ዎደ፥ ማራ ሃይ ጫሞ ግዴዳ ድራዉ፥ ኡሻናዉ ዳንዳይበይክኖ፤ ሄዋ ድራዉ፥ ሄ ሳአይ ማራ*15:23 ማራ፦ ሀ ሱን ብለይ እብራዌዋን "ጫሙዋ" ግያዋ። ጌተቴዳ። 24 ሄዋ ድራዉ፥ አሳይ፥ "ኑን አያ ኡሻኔ?" ያጊደ ሙሴ ቦላ ዙዙሜዳ። 25 ሙሴ መና ጎዳዉ ዋሴዳ፤ መና ጎዳይ አ እት ም በሴዳ፤ ሙሴ ሄ ም ሃ ግዶ ኦልና፥ ሃይ ማልኤዳ። መና ጎዳይ ኡንቱንቶ ካለሰትያ ዎጋ እሜዳ፤ ያን ጾሳይ ኡንቱንታ ፓጬዳ። 26 እ ኡንቱንታ ሀዋዳን ያጌዳ፤ "መና ጎዳይ ህንተንቱ ጾሳይ ኦድያዋ ምንሲደ ስሶፐነ አ አይፍያ ስንን ልከባ ኦፐ፥ ህንተንቱ አ አዛዙዋ ሀይዞፐነ አ ዎጋ ኡባ ናጎፐ፥ ታን ግብጼቱዋ ቦላ አሄዳ ሀርግያፐ እቱዋነ ህንተንቱ ቦላ አህከ፤ አያዉ ጎፐ፥ ታን ህንተንታ ፓያ መና ጎዳቴ" ያጌዳ።

27 ሄዋፐ ኡንቱንቱ ኤላማ ጋድያ ዬድኖ፤ ያን ታማነ ላኡ ሃ ፑልቶቱነ ላፑን ታሙ ዛምባ ምቱ ደኢኖ። ኡንቱንቱ ያን ሃ ዶናን ኡቴድኖ።