13 ዎንተ ጋላስ ሙሴ አሳዉ ፕርዳናዉ ኡቴዳ፤ አሳይ ሙሴ ዩሹዋን ዎንታፐ ኦማርስ ጋካናዉ ኤቄዳ። 14 ሙሴ ቦሉ ሙሴ አሳዉ ኦያዋ ኡባ በኢደ፥ "ኔን ሀ አሳዉ ኦያዌ ሀዌ አዬ? አሳይ ኡባይ ዎንታፐ ዶሚደ ኦማርስ ጋካናዉ ነ ዩሹዋን ኤቂደእሽን፥ ኔን ኔረካ ዳናዳን አያዉ ኡታድ?" ያጌዳ።
17 ሙሴ ቦሉ፥ "ሀዌ ኔን ኦያባይ ሎኤና። 18 ኔንነ ኔናና ደእያ አሳይ ዳቡራ ጻላላ ግዲታ፤ ሀ ኪታይ ነዉ ሎይ ዴጾ፤ ኔን ሀዋ ኔረካ ኦናዉ ዳንዳያካ። 21 ቃይ አሳ ኡባ ግዶን ዳንዳይያ አሳቱዋ፥ ጾሳዉ ያይያዋንታ፥ አማነቴዳዋንታነ ማጋንጻ ምያዋ እጽያዋንታ ዶራደ ኡንቱንቱፐ አሳዉ ሻኣ ካፓቱዋ፥ ጼቱዋ ካፓቱዋ፥ እሻታሙዋ ካፓቱዋነ ታሙዋ ካፓቱዋ ሱን። 22 ኡንቱንቱ ኡባ ዎደ አሳዉ ፕርድኖ፤ ሽን ዋይስያ የዉዋ ኡባ ኔኮ አህኖ፤ ዋይሰና የዉዋ ኡባ ኡንቱንቱ ዉርስኖ። ኡንቱንቱ ኔናና ሻከትያ ድራዉ፥ ቶኩ ነዉ ካዉሻናዋ።
24 ሙሴ ባረ ቦሉዋ ቃላ ስሴዳ፤ እ ጌዳዋ ኡባካ ኦዳ።