ታሙ አዛዛቱዋ
1 ጾሳይ ሀ ቃላቱዋ ኡባ ሀዋዳን ያጊደ ሃሳዬዳ፤ 2 "ኔና ግብጼፐ አይለተ ጋድያፐ ከሴዳ መና ጎዳይ ነ ጾሳይ ታና።
3 "ታፐ አትና፥ ሀራ ጾሳዉ ጎይኖፓ።
4 "ቦላ ሳሉዋን ደእያ፥ ዎይ ጋርሳ ሳኣን ደእያ፥ ዎይ ሳኣፐ ጋርሳን ሃ ግዶን ደእያ አያነ ማላትሳደ ነዉ ጎይንያ ምስለቱዋ ኦፓ።20:4-5 ከሳ 34:17፤ ዎጋ 19:4፤ 26:1፤ ዛረ. 4:15-18፤ 27:15 5 ኡንቱንቶ ሆኮፓ ዎይ ኡንቱንቶ ጎይኖፓ። አያዉ ጎፐ፥ ታን፥ መና ጎዳይ ነ ጾሳይ ቃናታንቻ ጾሳ፤ ታና እጽያዋንታ አዎቱዋ ናጋራ ድራዉ፥ ናና ሄዘን የለታነ ኦይደን የለታ ጋካናዉ ሙርያዋ።20:5-6 ከሳ 34:6-7፤ ፓይ. 14:18፤ ዛረ. 7:9-10 6 ቃይ ታና ሲቅያነ ታ አዛዙዋ ናግያዋንቶ ሻአ የለታይ ጋካናዉ ላመተና ሲቁዋ በስያ መና ጎዳ።
7 "መና ጎዳ ነ ጾሳ ሱን ጮ ደንፓ፤ አያዉ ጎፐ፥ ጾሳይ ባረ ሱን ጮ ደንያዋ ሙራና።20:7 ዎጋ 19:12
8 "ጌሻ ኦደ፥ ሳምባታ ጋላሳ ናጋ።20:8 ከሳ 16:23-30፤ 31:12-14 9 ኔን ኦያ ኦሱዋ ኡባ ኡሱፑን ጋላሳቱዋን ኦ።20:9-10 ከሳ 23:12፤ 31:15፤ 34:21፤ 35:2፤ ዎጋ 23:3 10 ሽን ላፑን ጋላሳይ መና ጎዳ ነ ጾሳዉ ሳምባታ። ሄ ጋላስ አይ ኦሱዋነ ኦፓ፤ ኔን፥ ዎይ ነ አቱማ ናአይ፥ ዎይ ነ ማጫ ናና፥ ዎይ ነ ማጫነ አቱማ ቆማቱ፥ ዎይ ነ ሚዛይ፥ ዎይ ህንተንቱና ደእያ እስራኤልያ ግደና አሳይ ሄ ጋላሳን አይ ኪታካ ኪተቶፖ። 11 አያዉ ጎፐ፥ ኡሱፑን ጋላሳ ግዶን መና ጎዳይ ሳሉዋነ፥ ሳኣ፥ አባነ ኡንቱንቱ ግዶን ደእያ ኡባ መዳ፤ ሽን ላፑን ጋላሳን ሸምፔዳ። ሄዋ ድራዉ፥ መና ጎዳይ ሳምባታ ጋላሳ አንጄዳነ ጌሼዳ።20:11 ዶመ 2:1-3፤ ከሳ 31:17
12 "መና ጎዳይ ነ ጾሳይ ነዉ እምያ ቢታን ነ ላይይ አዱቃና ማላ፥ ነ አባነ ነ ዳዮ ቦንቻ።20:12 ዛረ. 27:16፤ ማቶሳ 15:4፤ 19:19፤ ማር. 7:10፤ 10:19፤ ሉቃሳ 18:20፤ ኤፈ. 6:2፣ 3
13 "አሳ ዎፓ።20:13 ዶመ 9:6፤ ዎጋ 24:17፤ ማቶሳ 5:21፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11
14 "ዎሹሞፓ።20:14 ዶመ 9:6፤ ዎጋ 24:17፤ ማቶሳ 5:21፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11
15 "ዉኦፓ።20:15 ዎጋ 19፤ 11፤ ማቶሳ 19:18፤ ማር. 10:19፤ ሉቃሳ 18:20፤ ሮመ 13:9
16 "ነ ሾሩዋ ቦላን ዎርዱዋ ማርካቶፓ።20:16 ከሳ 23:1፤ ማቶሳ 19:18፤ ማር. 10:19፤ ሉቃሳ 18:20
17 "ነ ሾሩዋ ጎልያ አሞቶፓ፤ ነ ሾሩዋ ማቻቶ፥ ዎይ አ ቆማ፥ ዎይ አ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ" ያጌዳ።20:17 ሮመ 7:7፤ 13:9
አሳ ያሻ
(ዛረ. 5:22-33)
18 አሳይ ኡባይ ጉጉንይ ጉጉምያዋነ ዋልቃንይ ዎልቃምያዋ በኤዳ፤ ማላካታ ዋሱዋ ስሴዳ፤ ቃይ ደሪ ጩዋትያዋካ በኤዳ፤ አሳይ ያሻን ኮኮሪደ፥ ሃኩዋን ኤቄዳ።20:18-19 እብራ. 12:18-19 19 ኡንቱንቱ ሙሳ፥ "ኔን ኑዉ ሃሳያ፤ ኑን ስሳና፤ ሽን ኑን ሀይቀናዳን፥ ጾሳይ ኑዉ ሃሳዮፖ" ያጌድኖ። 20 ሙሴ አሳ፥ "ጾሳይ ህንተንታ ፓጫናዉ፥ ናጋራ ህንተንቱ ኦና ማላ፥ አ ያሻይ ህንተንቱ ዎዛናን ደአናዳን፥ እ ዬዳ ድራዉ ያዮፕተ" ያጌዳ። 21 አሳይ ሃክ ኤቂደእሽን፥ ጾሳይ ደእያ ሳኣ ዎልቃማ ማኮ ሙሴ ሺቄዳ።
ያርሽያ ሳአቱዋን ጎኤትያ ዎጋቱዋ
22 ሄዋፐ ጉይያን፥ መና ጎዳይ ሙሳ፥ "እስራኤልያ አሳዉ ሀዋዳን ያጋደ ኦዳ፤ ‘ታን ሳሉዋፐ ህንተንቶ ሃሳዬዳዋ ህንተንቱ ህንተንቱ ሁጲያዉ በኤድታ። 23 ታ ማታን አይ ኤቃነ ኦፕተ፤ ብራ ኤቃ ዎይ ዎርቃ ኤቃ ህንተንቶ ኦፕተ።
24 " ‘ኔን ታዉ ያርሹዋ ያርሽያ ሳኣ ኡርቃፐ መደ ነ ጹግያ ያርሹዋ፥ ነ እትፐተ ያርሹዋ፥ ነ ዶርሳቱዋነ ነ ዴሻቱዋፐ ነ ሚዛቱዋ አ ቦላ ያርሻ። ታ ሱንይ ቆፈታና ማላ ኦዳ ሳኣ ኡባን፥ ታን ህንተንቱኮ ያደ፥ ህንተንታ አንጃና። 25 ኔን ታዉ ያርሹዋ ያርሽያ ሳኣ ሹቻፐ መፐ፥ ማሰቴዳ ሹቻፐ መፓ፤ አያዉ ጎፐ፥ ኔን ማስያ ሚሻን አ ቦቾፐ፥ ነ አ ቱንሳሳ።20:25 ዛረ. 27:5-7፤ ኢያሳ 8:31 26 ታ ያርሹዋ ሳኣ ፑደ ጋይያን ከሶፓ፤ አያዉ ጎፐ፥ ኔን ከስያ ዎደ፥ ነ ካሉ ቤተ’ ያጋደ ኦዳ።