1 ሙሴ ዛሪደ፥ "ኡንቱንቱ ታና አማነናን እጾፐ፥ ዎይ ታን ኦድያዋ ስሰናን እጺደ፥ ‘መና ጎዳይ ነዉ ቆንጭቤና’ ጎፐ ዋኖ?" ያግ ዛሬዳ። 2 መና ጎዳይ አ፥ "ሄ ነ ኩሽያን ደእያዌ አዬ?" ያጊደ ኦቼዳ። እካ "ጻምኣ" ያጌዳ። 3 መና ጎዳይ አ፥ "አነ ሄ ጻምኣ ሳኣን ኦላ" ያጌዳ። ሙሴ ሄ ጻምኣ ሳኣን ኦሌዳ ዎደ ሾሻ ግዴዳ፤ ያትና፥ ሙሴ አፐ ዎጼዳ። 4 ሄዋፐ ጉይያን መና ጎዳይ አ፥ "ነ ኩሽያ የዳደ፥ አ ዱፍያ ኦይቃ" ያጌዳ። ሙሴ የዲደ ሾሻ ኦይቂና፥ ሾሻይ አ ኩሽያን ስሚደ፥ ጻምአዉ ላመቴዳ። 5 መና ጎዳይ፥ "ሀዌ ሀኔዳዌ፥ መና ጎዳይ ነ አዎቱዋ ጾሳይ፥ አብራሃማ ጾሳይ፥ ይሳቃ ጾሳይነ ያቆባ ጾሳይ ነዉ ቆንጬዳዋ ኡንቱንቱ አማናናዳና" ያጌዳ።
1 Muse zaariide, «Unttunttu taana ammanennaan is’s’ooppe, woy taani odiyaawaa sisennan is’s’iide, ‹Med’inaa Goday new k’onc’c’ibeenna› gooppe waanoo?» yaagi zaareedda. 2 Med’inaa Goday Aa, «He ne kushiyaan de’iyaawe ayee?» yaagiide oochcheedda. Ikka «S’am"aa» yaageedda. 3 Med’inaa Goday Aa, «Ane he s’am"aa sa’aan ola» yaageedda. Muse he s’am"aa sa’aan oleedda wode shooshshaa gideedda; yaatina, Muse aappe wos’s’eedda. 4 Hewaappe guyyiyaan Med’inaa Goday Aa, «Ne kushiyaa yeddaade, Aa dufiyaa oyk’k’a» yaageedda. Muse yeddiide shooshshaa oyk’k’ina, shooshshay Aa kushiyaan simmiide, s’am"aw laametteedda. 5 Med’inaa Goday, «Hawe haneeddawe, Med’inaa Goday ne aawotuwaa S’oossay, Abrahaama S’oossay, Yisaak’a S’oossaynne Yaak’ooba S’oossay new k’onc’c’eeddawaa unttunttu ammananaadana» yaageedda.
+581 estão orando agora.
Junte-se à corrente de oração.