ከሳ 9:13,18,22-27,31,32

ሻቻ

13 ሄዋፐ ጉይያን መና ጎዳይ ሙሳ፥ "ጉራን ደንዳ ባደ፥ ካትያና ጋከታደ አ፥ ‘መና ጎዳይ፥ እብራዌቱዋ ጾሳይ ኔና፥ "ታዉ ጎይናና ማላ ታ አሳ የዳ። 18 ሄዋ ድራዉ፥ ታን ዎንት ሀኖደ ግብጼ ግብጼ ግዶደፐ ሀቼ ጋካናዉ ኡባካ ዎ ኤረና፥ ዳሪ ዎልቃማ ሻቻ ቡክሳና።

22 ሄዋፐ ጉይያን መና ጎዳይ ሙሳ፥ "ግብጼ ቢታ ኡባ ቦላን: አሳ ቦላ፥ መህያ ቦላነ ግብጼ ጎሻቱዋን ድጭያባ ኡባ ቦላ ሻቻይ ዎናዳን፥ ነ ኩሽያ ሳሉዋ ደን" ያጌዳ። 23 ሙሴ ባረ ጋትማ ሳሉዋ ዛሪደ ደንዳ ዎደ፥ ጾሳይ ጉጉንነ ሻቻ የዴዳ፤ ዋልቃንይካ ዱገ ሳአዉ ዋልቃሜዳ። ጾሳይ ግብጼ ጋድያን ሻቻ ያት ቡክሴዳ። 24 ሻቻይ ዎዳ፤ ዋልቃንይ ያነ ሃነ ዋልቃሜዳ፤ ግብጼ ጋድያን ካቲ ካተቶደፐ ዶምና፥ ግብጼ ቢታ ኡባን ዎዳ ሻቻ ኡባፐ ሄዌ አያ ኢታ ሻቻ።✝9:24 ሳፃ 8:7፤ 16:21 25 ሄ ሻቻይ ግብጼ ቢታ ኡባ ጋደን ደእያ ኡባባ፥ አሳካ መህያካ ሾጬዳ፤ ጋደን ዶሌዳባ ኡባ ዱገ ዛሪደ ብዶዬዳ፤ ም ኡባ መንሬዳ። 26 ሻቻይ ዎቤና ጋዲ እስራኤላቱ ኡቴዳ ጎሸና ጋድያ ጻላላ።

27 ካቲ ኪት ሙሳነ አሮና ጼስሲደ፥ "ሀእ ስም፥ ታን ናጋራ ኦድ፤ መና ጎዳይ ቱማንቻ፤ ታንነ ታ አሳይ ባይዛንቻ። 31 ታልባይ ጪሼዳ ድራዉነ ባንጋይ ትሼዳ ድራዉ፥ ታልባይነ ባንጋይ ሻቻን ባዬድኖ። 32 ሽን ዛርጋይነ ሞርገ ምይ ካእያ ዎዲ ብራ ግዴዳ ድራዉ፥ ሻቻን ባይበይክኖ።