25 Doawäajen lajcht de Lieej auf un rät de Woarheit, een jiedra met sienem Näakjsten, wiels wie sent Jlieda unjarenaunda*4:25 Ooda: vonenaunda.. 26 Oajat junt, un sindicht nich. Lot de Sonn nich unjagonen äwa junem Oaja; 27 jäft däm Diewel uk nich Rum. 28 Wäa jestolen haft, saul nich mea stälen, oba saul väl mea oabeiden un met siene Henj waut Goodet schaufen, daut hee waut haft, däm to jäwen, dee Bederfnis haft. 29 Lot kjeen schlajchtet Jeräd ut jun Mul gonen, oba daut, waut goot es fa de needje Oppbuunk, soo daut et de Toohorcha Jnod jäwen mucht. 30 Un betriept nich dän Heiljen Jeist von Gott, met däm jie vesäajelt worden sent fa dän Dach von de Erleesunk. 31 Aule Bettanis un Wutt un Oaja un Jeschrech un Lastrunk, lot wajch von junt, met aul de Boosheit toop. 32 Oba siet unjarenaunda frintlich, metliedent, vejäft eenaunda, jrod soo aus uk Gott junt en Christus vejäft haft.