1 Aulsoo, aus Metoabeida ermon wie junt, daut jie Gott siene Jnod nich vejäfs kjrieen. 2Kor 1:24 2 Wiels Hee sajcht: "Ekj hab die en de aunjenäme Tiet jehieet un die aum Dach von de Radunk jeholpen". Kjikjt, nu es de aunjenäme Tiet, kjikjt, nu es de Dach von de Radunk! Jes 49:8; Luk 4:19,21 3 Wie jäwen nich en een Dinkj eenen Aunstoos, om daut de Deenst nich beschuldicht woat; 4 oba en aules stal wie ons väa aus Gott siene Deena: en väl Jedult, en Triebsaul, en Nooten, en Enjsten, 5 en Schläaj, en Jefenkjnissen, en Opprua, en Oabeiten, en Woaken, en Fausten, 1Kor 4:11-13; 2Kor 11:23-27 6 en Reinheit, en Erkjantnis, en Lankmoot, en Leeftolichkjeit, em Heiljen Jeist, en onjeheichelde Leew, 1Tim 4:12 7 em Wuat von de Woarheit, en de Krauft von Gott, derch de Jewäaren von de Jerajchtichkjeit to de Rajchte un to de Linkje; 1Kor 2:4; 2Kor 4:2; Efs 6:14-17 8 derch Iea un Oniea, derch schlajchte Noräd un goode Noräd; aus Vefiera, oba doch Woarhauftje; 9 aus Onbekaunde, oba doch Bekaunde; aus Stoawende, un kjikj, wie läwen; aus Jestrofte, un doch nich dootjemoakt; Ps 118:8; Apj 14:19; 2Kor 4:10-11 10 aus de Truaje, oba emma froo; aus Oame, oba dee väle rikj moaken; aus dee nuscht haben, oba doch aules besetten. Flp 4:12-13

11 Ons Mul haft sikj to junt opjedonen, Oo Korinta, ons Hoat es wiet jeworden. 12 Jie sent nich enjeenjt en ons, oba jie sent enjeenjt en jun Ennalichet. 13 Aus eene änelje Vejeltunk, (ekj räd soo aus to miene Kjinja) woat uk jie wiet. 1Kor 4:14

14 Siet nich aun een framdet Joch met Onjleewje. Wiels waut fa Jemeenschoft haft Jerajchtichkjeit met Ojjerajchtichkjeit? ooda waut fa Jemeenschoft haft Licht met Diestanis? Efs 5:11 15 Un waut fa Biestemmen haft Christus met Belial? Ooda waut fa Deel haft de Jleewja met däm Onjleewjen? 16 Un waut fa Toopstemmen haft Gott sien Tempel met de Aufjetta? Wiels jie sent de Tempel von däm läwendjen Gott, soo aus Gott sajcht: "Ekj well en äant wonen un en äant waundlen un well äa Gott sennen, un see sellen mien Volkj sennen". 3Mo 26:11-12; Hes 37:27; 1Kor 3:16 17 Doawäajen, "got rut von äant, un sondat junt auf", sajcht de Har, "un schieet kjeen Onreinet aun, un Ekj woa junt aunnämen; 2Sa 7:14; Jes 52:11; Hes 20:41; Opb 18:4 18 un Ekj well jun Voda sennen, un jie sellen miene Säns un Dajchta sennen", sajcht de Har, de Aulmajchtja. Jes 43:6; Hos 2:1