1 Ekj selfst oba, Paulus, ermon junt derch Christus siene Saunftmoot un Jelindichkjeit, dee ekj en june Jäajenwuat jerinj sie, oba aufwäsent sie ekj driest jäajen junt. 2 Ekj bedd junt oba, daut ekj aunwäsent nich bruck driest sennen met daut Toovetruen, wuamet ekj jäajen atelje denkj, driest to sennen, woone von ons denkjen, daut wie nom Fleesch waundlen. 1Kor 4:21; 2Kor 13:1-2 3 Wiels wan wie uk em Fleesch waundlen, kjamf wie nich no daut Fleesch no; 4 wiels de Jewäaren von ons Kjriejes-Kaumf sent nich fleeschlich, oba majchtich derch Gott, om Fastinjen* to vestieren, Efs 6:13-17 5 un Väastalungen dol to bräakjen un jieda huaget Dinkj, daut sikj jäajen Gott siene Erkjantnis erhäft, un brinjen jieda Jedanken jefangen unja Christus sien Jehuarsom, 6 un sent reed, jieda Onjehuarsom to rajchnen, wan jun Jehuarsom ieescht erfelt sennen woat.

7 Besee jie de Dinja nom Aunseenen? Wan irjentwäa sikj selfst vetrut, daut hee Christus aunjehieet, dan sull hee dit wada bie sikj selfst denkjen, daut, soo aus hee Christus aunjehieet, soo uk wie jehieren to Christus. 8 Wiels wan ekj mie noch irjent mea riemen sull von onse Autorität, dee de Har ons toom Oppbuen un nich toom Vestieren jejäft haft, soo woa ekj nich to Schaunden woaren; 1Kor 5:4-5; 2Kor 13:10 9 om daut et nich soo schient, aus wan ekj junt derch de Breew schrakjen wull. 10 Wiels de Breew, sajen see, sent schwoa un kjraftich, oba de kjarpaliche Jäajenwuat es schwak un de Räd ve-achtlich. 11 Lot soonem dit bedenkjen, soo aus wie aufwäsent derch Breew sent, soo woa wie uk aunwäsent em Woakj sennen. 2Kor 13:2,10

12 Wiels wie woagen ons selfst nich bie to talen, ooda ons selfst to vejlikjen met soone, dee sikj selfst väastalen; oba see, wäarent see sikj aun sikj selfst mäten un sikj met sikj selfst vejlikjen, sent see onvestendich. 2Kor 3:1; 5:12 13 Oba wie wellen ons nich en de Dinja onen Mot riemen, oba no de Mot von de Räajel, dee Gott ons toojedeelt haft, eene Mot, dee uk bat junt rieekjt. Ree 15:20; 12:3 14 Wiels wie strakjen ons selfst nich too wiet ut, aus wan wie nich wieren bat junt jekomen; wiels wie sent uk soowiet aus bat junt jekomen met Christus sien Evangelium. 15 Wie riemen ons uk nich onen Mot en Framde äare Oabeiten, oba haben Hopninj, wan jun Gloowen waust, mank junt vejratat to woaren no onse Räajel toom Äwafluss, 16 om daut Evangelium noch aun jantsied junt to vekjindjen, un nich en eenem Framden siene Räajel, om ons doamet to riemen, waut aul reedjemoakt es. 17 Wäa sikj oba riemt, lot sikj en däm Harn riemen. Jer 9:22-23; 1Kor 1:31 18 Wiels nich, wäa sikj selfst väaloft, es aunjenäm, oba wäm de Har väaloft. 1Kor 4:5