Jesus säajent kjliene Kjinja
13 Un see brochten kjliene Kjinja no Am, daut Hee dee aunschieren sull; oba de Jinja schullen deejanje, dee äant brochten. 14 Oba aus Jesus daut sach, wort Hee sea ontofräd un säd to äant: Lot de kjliene Kjinja no Mie komen un wäat äant nich, wiels ut soone besteit Gott sien Rikj. 15 Ekj saj junt woarhauftich: Wäa Gott sien Rikj nich soo oppnemt aus een kjlienet Kjint, woat doa nich nenkomen. 16 Un Hee neem de Kjinja opp en siene Oarms, läd äant de Henj opp un säajend äant.
Mat 19:16-30; Luk 18:18-30