प्रकाश 12

9 तबेकमारे उ सँप्वा और ओकर दूतनके पृथ्वीमे फेँकागिलाँ। यी बरवार सँप्वा वहे हो, जे बहुत समय आघे सँप्वक रुपमे देखा परल रहे। जिहिहे शैतान या दोष लगुइया फेन कहिजाइत। यी वहे हो, जे यी संसारके मनैनहे धोखा देती आइल बा। 10 तब मै स्वर्गमे असिक कती रहल एकथो बरवार आवाज सुन्नु,

"आब हमार परमेश्वर अपन मनैनहे बँचैहीँ।

आब ऊ अपन शक्तिक प्रयोग करहीँ और रज्वक रुपमे राज करहीँ।

आब हुँकार ख्रीष्ट संसारमे अपन अधिकारके दाबी कर्हिन।

काकरेकी आब शैतान हमार परमेश्वरके हाजिरीमे ठरह्याके हमार विश्वासी संघरियनहे दिनरात दोष नै लगैहिन। काकरेकी ऊ स्वर्गमेसे फेँकागिल बा।