1 To, mina ma ampani de ki ma Yawudawa? Ko Mina ma nani wuta ni yanka? 2 E ma ni ampani soseyi, a kowoni turiki! npari, Yawudawa na Mirikisi ba su kelima beta e yi.

3 Sede nde worosu su ki beigaskye ni beta Mirikisi? Da mu yaa nana nkye Mirikisi yaama nsu reshi gaskye naka? 4 Yaa taba ma yomu ba! Mirikisi ma nsu gaskye la, kode nkye guru nsebeki ma nsu yaruwa la. nta yiride e ma rubuta a siki takada beta Mirikisi nkye:

<<Dole ki nana gaskye nde ki ma yi beta,

nja de ki shakiya shiriya ke a kiya konse nde sua yi ke shiriya.>>

5 Sede nde reshi gangasi mu nana gangasi ni Mirikisi mina mua pala? Mua pala nkye Mirikisi yaa yi mbo kyakyawu ba na ka bo de e poro mu a kiya mbo mumungu. 6 E ma yomu naba ko piri! Nde Mirikisi ma nsu gaskye naba yaya na yaa yi durinya mu shiriya?

7 Sede nde rishi gaskye na la yaa sa dereja Mirikisi yaa ma gaskye de sakisi nsori soseyi? mina sa de ari kuzukam sua yi ni taala kankye nsu lepi? 8 Mina sa de mua nkye, <<Mu sigeba ni mungu mbo de kyakyawu e zo>>? Worosu ntani su basi mu nja bebeta seni mu, su nkye omu na mu yi beta mu! sua bebeta, yiride e kamata su ma.

9 Mina mua pala, omu Yawudawa mu pi worede ma Yawudawa ba na? E ma yomuna ba! Ni rigye nana nkye guru amu Yawudawa nja worede su ma Yawudawa ba muma yiri daa a lelenga sori ni lepi. 10 Yiride ema rubuta a siki beta Mirikisi nkye:

Ba nseda de ma gangasi,

11 Ba nseda de ma nsu wayo,

ko nsude yaa bowuta Mirikisi.

12 Guru asu su juyi bila Mirikisi;

guru asu su yi mbo mumungu;

ba nseda da yi mbo kyakyawu, ko nseda.

13 Kelima su ma kankye rurubu gan a kumsha;

arishiya asu yaa pala yaruwa,

arishiya asu e ma kankye depi ni mumungu mesi;

14 kelima baki su sika ni mungu beta.

15 Sua yi seberi ni zi nse suwo nja kisa nse;

16 guru anya de su te sua sa Angala, nja bebeta anya de su te.

17 Su shina turiki ni selema ba,

18 Su mani womba Mirikisi a ndani su ba.>>

19 Kuzukam mu shina nkye kowoni mbode doka Musa pala e ma sobon worede su ma lelenga ni doka la, sobon de su nana guru wuja nsebeki nja kowon nse zo a geba shiriya Mirikisi. 20 Sobon ba nsude yaama mere lepi a geba Mirikisi ta yi mbode doka Musa yaa bila; mbode e meyi e shiya sa mu nkye muma nsu lepi.

21 Sede a kuzukam turiki de Mirikisi yaa sa ntani ma gangasi anya ni e pelesa. e ma ta biya doka Musa naba, ko doka Musa nja anebi beyi sheeda su a kiya e yi. 22 Mirikisi sa ntani ma gangasi te anya beigaskye ni Yesu Kiristi. Mirikisi yi yomu te nja guru worede su yeda ni Kiristi, sobon ba bombom ni Yawudawa nja worede su ma Yawudawa ba. 23 Konwawa yi lepi nja mu yi nisa dereja Mirikisi, 24 Sede te kyawuta ni aniyeri Mirikisi guru amu mu samu zunwa ni mere lepi a geba Mirikisi te anya Kiristi Yesu, nsude butu mu bila lepi. 25 Mirikisi la Kiristi Yesu munka kankye sedeka sobon te zini yi mua samu yape lepi mu te anya beigaskye ni Yesu. Mirikisi yi yomu de nana mu ema nsu gangasi la. a kwanki de bise Mirikisi yi akuri nja musi ni lepi de mu yi ba yi mu taala; sede a kwanki mu Mirikisi beyi horo lepi. 26 Te yomuna Mirikisi nana mu gangasi yi. Te turiki mu Mirikisi nana mu nkye e shi e ma nse gangasi la nja sa guru worede su beigaskye ni Yesu sua samu zunwa mere lepi a geba Mirikisi.

27 Se mina ma de mua dege dolo? E ma mbodaa ba! Mina delili ni mbo mu? e ma sobon de mu biya doka Musa na? Yi, sede e ma te anya beigaskye. 28 Sobon de mu yeda nkye nsebeki yaa samu zunwa mere lepi a geba Mirikisi te anya ni beigaskye na kede, ba te anya yi mbode doka Musa pala ba. 29 Ko Mirikisi ma Mirikisi ni ntani Yawudawa kin na? E ma Mirikisi ni worede su ma Yawudawa ba na du bo? Aba! E ma Mirikisi guru ntani. 30 Mirikisi ma ndandaa la, nja kuma yaa sa Yawudawa de su ma mere lepi nja kiya yi sobon beigaskye su la, nja yaa sa mere yanka de su ma mere lepi te anya beigaskye. 31 Nsu mu nana nkye sobon beigaskye mua la kokoyi doka kutiri naka? Yi, nde mu beigaskye ni Yesu, mu sika delili ni doka Mirikisi naka.