Zunwa Mere Lepi Nja Mirikisi
1 Nkaayom tunde mu samu zunwa mere lepi anya Mirikisi sobon beigaskye, mu man selema anya Mirikisi te anya Obagizi mu Yesu kiristi. 2 Te anya yi la mu samu aniyeri ni Mirikisi, de muma a siki yi te anya beigaskye mu. Muma yi peri siki sobon sa dishiya a siki dereja Mirikisi! 3 Mua dege dolo du a siki ngala mu, sobon mu shina nkye ngala yaa zo mu takuwa, 4 takuwa yaa zo ni arinya ngagasi, arinya ngagasi yaa zo ni sa dishiya. 5 Sa dishiya mu yaa taba zo mu ni kumnya ba, sobon Mirikisi sa so yi ma kankye miya de ma yowa a siki dishiya mu te anya Aworo Nsuseki, de Mirikisi ba mu.