Iitti Oojjo Muuxende
28 Tinni duuchchi moyanjo Naabukedenetsoor’n kadde. 29 Tommena langa agenji uduma moyanji Naabukedenetsoor Baabiloonike moottummatike iimi darreke mine’n mammarema’n 30 Moyanji hiyyee qici, «Tinni moyanjuwwiinke galduma kado’aa anxe jabaxxe hunnanni anke lumoke gurri’aa ijaarennexxe lumoxxe Baabiloonitebaataa?»
31 Haaso’a afo’ii’ni birebaang hafuur4:31 Konne booncho’ni hafuuarake hiyyemek woyyichcha hafuura kadebang laqendaaxxe qonqo hitaaxxe tika affe’en. iimi’n dageexxi hiyyee qici, «Koo moyanjo Naabukedenetsoor! Ati’a ajaji fuleek: moyanjummatixxi atixxi baalle atenaa’n adhdhende’een; 32 Ati ardi gidii’n adhdhendettexxi biniinchik welti hexxattoni; horinshanna badda’a dheeddatto; Lumok Magen manjixxe mottummuwwa duuchcha’n hunna afeexxanna tenne mottummuwwa eeyyekee uwwaaxxa egendatto qico’n torbaane wogga saxxaan.»
33 Iikki woddi kulendemmaxxi Nabukedenetsoor’n kaddee’na’a manji giddii’n adhdhemeexxi horinsha badda’a dheede; biso iskixxi orda sinbiriinke keelishsha qeerrexxaa qici’aanna qe’yi isik ci’atikishsha nophphaa qici’a iimike wojinni corco hiyye.
Naabukedenetsoori Magenoke Shiqisheeka Galata
34 Bari iikkinna muuxemechchi uduma ani Naabukedenetsoori toggi hiyye iimi’a uudenne; kiidotinna ane’n higge; Lumoka Magenonna saadenne; duuchchi woddi’a hedhaakanna ulfeessenne jajenne.
Galcha isixxi duuchchi woddiixxeni;
moottumma isixxinna ilatenaa’n ilati qico’n hexxaani.
35 Buttate’n hedheek ardi duuchchi
mitteelchishanna laakko’emabaan;
iimike sannachuwwanna kado’o
buttate’n hedheeke ardi eeyyeexxa assaan;
iso’o hoyya dande’aak yookaan
iso’o, «Maassitette?» hiyyaak ayyinna hedhaba’a.
36 Iitti kiido ane’ni higgeexxa yanna anxe mootummake ulfinni’a gaachannikinna lumminni duuchchi ane’n hige; ank gorsalluwwinna ja’laabuwwi ane hanse; anxe moote’ninna higennexxi edi caalanna ulfeessemenne.
37 Iimik Magen assaaxxi duuchchi eloxxe kaddeemmaxxee ori isik duuchchinna qullichakenna dhugaate kademmaxxe ta’a ani Naabukedenetsoor iso’o sadaanne, lummisaanne, ulfessaanne; isi ifi dukaakaranna salphisa dande’aaken.