6 Ha’noo Kiristoosike badhaadhinni ye’emmaka Mageno hirbange’n waaldineexxi, wele wengeleba’a me’a ha’nooxxi anee mambe’a assita’neen. 7 Tenneenna iitta hiyyenneechchi ha’noo memmi assa’ni Kiristoosixxa badhaadhiinxa odo jijjiiratee haseek mitti mitti manni hedheexxete malee, wengeele mittendeni wele wengeele hexxebaan. 8 Yaane kinni no’ote kandonnole, yookaani iimi erganjo kaddoole no’o lallabennexxe wengeelenaa’ni gargarti higgeexxa wengeele ha’noo’n lallabeexxe kaddoole, badinemeeke kaddowwaali! 9 Konneechchi edi darre hiyyenneshshanni higgeen ta’anna lebee hiyyaannen Ha’no adhdhitineexxe wengeelenaa’ni gargarti higgeexxa wele wengeele fedheek manjinna lallabeexxe kaddoole badinemeeke kadowwaal!