1 ታርከ ማፃፋ 24

ካህነታ ኦሶ ሻሁዋ

1 አሮና ኮቻት ባንታ ኦሶ ማራን ሀይሳፈ ካልድ ፃፈትዳይሳታ። አሮና አደ ናይት ናዳባ፥ አብዮዳ፥ አላዛራነ እታማራ። 2 ሽን ናዳበይነ አብዮዳ ናአ የሎና ባንታ አዋፐ ስን ሀይቅዶሶና። ሄሳ ግሾ፥ አላዛርነ እታማር ካህነ ግድዶሶና። 3 ዳዊቲ አላዛራ ያራፐ ሳዶቃ፥ እታማራ ያራፐ አብመለከ ኤክድ አሮና ኮቻታ ኤንታ ኦሱዋ ማራን ጩጋን ጩጋን ሻክስ። 4 አላዛራ ያራታ ሀላቃት እታማራ ያራታ ሀላቃታፐ ዳር በንትዳ ግሾ አላዛራ ያራት ታማነ ኡሱፑን ጩጋን ሻከትን እታማራ ያራት ሆስፑን ጩጋን ሻከትዶሶና። 5 አላዛራ ያራታ ግዶንነ እታማራ ያራታ ግዶን ፆሳ ኬ ሀላቃትነ ፆሳ ኦሱዋስ በሲያ ሀላቃት ደእያ ግሾ ኦሶይ ኤንታዉ ሳማን ሻከቴስ። 6 አላዛራ ያራትነ እታማራ ያራት ባንታ ማራን ማራን ሳማ ከስዶሶና። ሌወ ኮቸ ግድዳ ናትናኤላ ናአይ ፃፈይ ሻማየይ ኤንታ ማዝጋቤስ። ካዎይነ እያ ሞርናት፥ ካህነይ ሳዶቅነ አብያታራ ናአይ አብመለከይ፥ ካህነታነ ሌወታ ያራታ ሀላቃት ኡባይ ሄሳስ ማርካ።

7 ኮይሮ ሳማይ ዮኣርባስ ከይስ፤ ናምአንይ ያዳያስ ከይስ። 8 ሄንይ ሀርማስ ከይስ። ኦይዳንይ ሳኦርማስ ከይስ። 9 እቻሻንይ ማልክያስ ከይስ። ኡሱፑንይ ምያምናስ ከይስ። 10 ላፑንይ አቆሳስ ከይስ፤ ሆስፑንይ አብያስ ከይስ። 11 ኡዱፉንይ እያሱስ ከይስ። ታማንይ ሳካናስ ከይስ። 12 ታማነ እስንይ ኤልያሴባስ ከይስ። ታማነ ናምአንይ ያቅናስ ከይስ። 13 ታማነ ሄንይ ሁፓስ ከይስ። ታማነ ኦይዳንይ የሸባስ ከይስ። 14 ታማነ እቻሻንይ ብልጋስ ከይስ። ታማነ ኡሱፑንይ እመራስ ከይስ። 15 ታማነ ላፑንይ ሄዝራስ ከይስ። ታማነ ሆስፑንይ ሀፍፄፃስ ከይስ። 16 ታማነ ኡዱፉንይ ፓታሀስ ከይስ። ላታማንይ የዘከላስ ከይስ። 17 ላታማነ እስንይ ያክናስ ከይስ። ላታማነ ናምአንይ ጋሙላስ ከይስ። 18 ላታማነ ሄንይ ዳላያስ ከይስ። ላታማነ ኦይዳንይ ማዛስ ከይስ።

19 ጎዳይ እስራኤለ ፆሳይ ኤንታ ማይዛ አሮና ኪትን፥ እ ኤንታዉ ዎዳ ዎጋ፥ ባንታ ፆሳ ኬ ገልያ ዎደ፥ ኤንቲ ኦና ማራይ ሀይሳ።

ሀራ ሌወታ

20 ሀራ ሌወ ኮቻታ ሀላቃት፥ ሀይሳፈ ካልድ ፃፈትዳይሳታ።

የህዳይ ሳቡኤላ ባጋራ አምራማ ኮቸ።

21 ይሸይ ራሃባ ኮቸ።

22 ያሃት ሳሎምታ ባጋራ ይስሃራ ኮቸ።

23 ይርየይ፥ አማረይ፥ ያሀዝኤልነ ይቃምኣም ከብሮና ኮቸ።

24 ሻምር ምክያሳ ባጋራ ኡዝኤላ ኮቸ።

25 ዛካርያስ ምክያሳ እሻ ይሽያ ባጋራ ኡዝኤላ ኮቸ።

26 ማህል፥ ሙስነ ያእዝ ማራራ ኮቻታ። 27 ያእዛ ሄ አደ ናይት ሾሃማ፥ ዛኩራነ እባራ። 28 ማህላ ናምኡ አደ ናይት አላዛራነ ቂሳ። አላዛራስ አደ ናእ ባዋ። 29 ቂሳ ይራህማኤላ ጌተትያ አደ ናእ ደኤስ። 30 ሙሳ ሄ አደ ናይት ማህላ፥ ኤደራነ ይረሞታ።

ሀይሳቲ ሌወ ኮቻታ ሀላቃታ።

31 ካሰ ኤንታ ዳቦት አሮና ኮቸ ግድዳ ካህነት ኦዳይሳዳ ሀይሳቲካ ካዎይ ዳዊቲ፥ ሳዶቅ፥ አብመለከይ፥ ካህነታነ ሌወታ ሀላቃት ደእያ በሳን ሳማ የግዶሶና። ባይራ እሻ ሶ አሳስነ ካሎ እሻ ሶ አሳስ እስ ግና ሳም ዎስ።