1 ታርከ ማፃፋ 1

አዳመፐ አብራሃመ ጋካናዉ

1 አዳመይ ሴታ የልስ፤ ሴት ሄኖሳ የልስ፤ ሄኖስ ቃይናና የልስ፤ 2 ቃይናን ማላልኤላ የልስ፤ ማላልኤል ያረዳ የልስ፤ 3 ያረድ ሄኖከ የልስ፤ ሄኖከይ ማቱሳላ የልስ፤ ማቱሳል ላመሀ የልስ፤ 4 ላመህ ኖሄ የልስ፤ ኖሄይ ሴማ፥ ካማነ ያፈታ የልስ።

5 ያፈታ አደ ናይት ጋመራ፥ ማጎገ፥ ማዳያ፥ ያዋና፥ ቶቤላ፥ ሞሳሀነ ትራሳ። 6 ጋመራ አደ ናይት አስካናዛ፥ እርፋታነ ተጋርማ። 7 ያዋና አደ ናይት ኤልሳ፥ ታርሰሳ፥ ክፅማነ ሮዳ።

8 ካማ አደ ናይት ኩሻ፥ ምፅራይማ፥ ፉፃነ ካናነ። 9 ኩሻ አደ ናይት ሳባ፥ ኤዉላፀ፥ ሳብታ፥ ራእማነ ሳብቃታ። ራእማ አደ ናይት ሳባነ ድዳና። 10 ኩሽ ናምሩደ የልስ። ናምሩደይ ቢታ ቦላ ዎልቃማ ኦላንቾ ግድስ። 11 ምፅራይም ሉደታ፥ አናምመታ፥ ላሀበታ፥ ናፍቱሄታ፥ 12 ፓትሮሳታ፥ ፍልስፄመታ፥ ማይዛ ግድዳ ካስሉሄማታነ ቃፍቶረታ ኮቻታ ማይዛ። 13 ካናነይ ባይራ ናኣ ስዶናነ እያ ካሉዋ ሄታ የልስ። 14 ካናነይ ያቡሰታ፥ አሞረታ፥ ገርገሰታ፥ 15 ህወታ፥ አርከታ፥ ሲናታ፥ 16 አርዳወታ፥ ሳማረታነ ሀማተታ የልስ።

17 ሴማ አደ ናይት ኤላማ፥ አሶረ፥ አርፋክሳደ፥ ሉደ፥ አራማ፥ ኡፅ፥ ሁላ፥ ገተራነ ሞሳሀ። 18 አርፋክሳድ ሳላ የልስ፤ ሳል ኤቦራ የልስ። 19 ኤቦሪ ናምኡ ናይታ የልስ፤ እሶይ የለትዳ ዎደ ሳእ ሻከትዳ ግሾ እያ ሱንይ ፋለቃ ጌተትስ፤ እያ እሻ ሱንይ ዮቅፃና። 20 ዮቅፃን አልሞዳዳ፥ ሳለፋ፥ ሀዛርሞታ፥ ያራሀ፥ 21 ሀዶራማ፥ ኡዛላ፥ ድቅላ፥ 22 ኦባላ፥ አብማላ፥ ሳባ፥ 23 ኦፍራ፥ አዉላፃነ ዮባባ የልስ። ሀይሳቲ ዮቅፃና ኮቻታ።

24 ሴማፐ አብራሃመ ጋካናዉ ደእያ የለታይ ሀይሳፈ ካልድ ፃፈትዳይሳታ፤ ሴማ፥ አርፋክሳደ፥ ሳላ፥ 25 ኤቦራ፥ ፋለቃ፥ ራጋ፥ 26 ሳሩጋ፥ ናኮራ፥ ታራነ 27 አብራሃመ ጌተትያ አብራመ።

እስማኤላ ሼሽ

28 አብራሃመ አደ ናይት ይሳቃነ እስማኤላ። 29 ኤንታ የለታይ ሀይሳፈ ካልድ ፃፈትስ።

እስማኤላ ባይራ ናአይ ናባዮታ፤ ሄሳፈ ካልድ፥ ቀዳረ፥ አድቤላ፥ ምብሳማ፥ 30 ምስማ፥ ዱማ፥ ማሳ፥ ኩዳነ፥ ቴማ፥ 31 እፁራ፥ ናፍሳነ ቀድማ የልስ። ሀይሳቲ እስማኤላ ናይታ።

32 አብራሃመይ ኬፁራፐ የልዳ አደ ናይት ዝምራና፥ ዮቅሳና፥ ማዳነ፥ ምድያመ፥ ያስቦቃነ ስዋ። ዮቅሳና አደ ናይት ሳባነ ድዳና። 33 ምድያመ አደ ናይት ገፈራ፥ ኤፈራ፥ ሄኖሀ፥ አብዳነ ኤልዳ። ሀይሳቲ ኬፁራ ኮቻታ።

ኤሳዌ ሼሽ

34 አብራሃመይ ይሳቃ የልስ። ይሳቃ አደ ናይት ኤሳዌነ እስራኤለ። 35 ኤሳዌ አደ ናይት ኤልፋዛ፥ ራጉኤላ፥ የኡሳ፥ ያእላማነ ቆረ። 36 ኤልፋዛ አደ ናይት ተማና፥ ኦማራ፥ ስፎ፥ ጎቶማ፥ ቀነዛ፥ ትምናነ አማለቃ። 37 ራጉኤላ አደ ናይት ናሆታ፥ ዛራ፥ ሳማነ ምዛ።

ኤዶመን ደእዳ ሳይረ አሳታ

38 ኤዶመን ኮይሮ ደእዳ ሳይረ አደ ናይት ሎፃነ፥ ሶባላ፥ ዝባኦና፥ አና፥ ድሶና፥ ኤፀራነ ድሳና። 39 ሎፃነ አደ ናይት ሆራነ ሄማማ፤ ሎፃነ ምችያ ትምናኦ። 40 ሶባላ አደ ናይት አልዋ፥ ማናሆታ፥ ኤባላ፥ ስፋነ ኦናማ። ፅባኦና አደ ናይት አያነ አና። 41 አና ናአይ ድሶና። ድሶና አደ ናይት ሄምዳና፥ ኤስባና፥ ይትራናነ ካራና። 42 ኤፀራ አደ ናይት ብልሃና፥ ዛዋናነ አቃና። ድሳና አደ ናይት ኡፃነ አራና።

ኤዶመ ካዎታ

43 እስራኤለን ካዎይ ካዎታናፐ ካሰ ኤዶመ ቢታን ካዎትዳ ካዎት ሀይሳፈ ካልድ ፃፈትዳይሳታ።

ብኦራ ናአይ ባላቅ ካዎትስ፤ እያ ካታማ ሱንይ ድናባ።

44 ባላቅ ሀይቅን፥ ባሶራ አደይ ዛራ ናአይ ዮባብ እያ በሳን ካዎትስ።

45 ዮባብ ሀይቅን፥ ተማና አደይ ሁሳም እያ በሳን ካዎትስ።

46 ሁሳም ሀይቅን፥ ሞአበ ቢታን ምድያመታ ፆንዳ ባዳዳ ናአይ ሀዳድ እያ በሳን ካዎትስ፤ እያ ካታማ ሱንይ አዊታ።

47 ሀዳድ ሀይቅን፥ ማስሬቃ አደይ ሳምል እያ በሳን ካዎትስ።

48 ሳምል ሀይቅን፥ ሻፋ ማታን ደእያ ረሆቦታ አደይ ሳኡሊ እያ በሳን ካዎትስ።

49 ሳኡሊ ሀይቅን፥ አክቦራ ናአይ ባአል-ሀናን እያ በሳን ካዎትስ።

50 ባአል-ሀናን ሀይቅን፥ ሀዳድ እያ በሳን ካዎትስ፤ እያ ካታማ ሱንይ ፓኡ። እያ ማችያ መዛሃባ ናኤ ማፅሬድ ናእዉ ማሄፃቤሎ። ሄሳፈ ጉየ፥ ሀዳድ ሀይቅስ።

51 ኤዶመ ኮቻታ ሀላቃት ሀይሳታ፤ ትምናአ፥ አልዋ፥ የተታ፥ 52 ኦሆልባማ፥ ኤላ፥ ፕኖና፥ 53 ቃናዛ፥ ተማና፥ ምብሳራ፥ 54 ማግደላነ እራማ። ሀይሳቲ ኤዶመ ሀላቃታ።