ፆሳ ኬ ዛማረታ
1 ዳዊቲነ ሌወታ ሀላቃት፥ አሳፋ፥ ሄማናነ የዱቱና ናይታፐ ሱሱልኤን፥ ዲንነ ዳላን ትንብተ ኦዳና መላ ዱማይዶሶና። ሀ ኦሱዋስ ዱማትዳ አሳ ሱንይ ሀይሳፈ ካልድ ፃፈትዳይሳ።
2 አሳፋ ናይት ዛኩራ፥ ዮሰፋ፥ ናታናነ አሳርኤላ። አሳፋ ናይት አሳፋፐ ጋርሳራ ኦሶና፤ አሳፍ ካዋ ኪታን ትንብተ ኦዴስ።
3 የዱቱና ናይት ጋዳልያ፥ ፃራ፥ ያሻያ፥ ሳምአ፥ ሀሳባያነ ማትታ። ሀ ኡሱፑናት ማስንቆን ጎዳ ጋላትሸነ ቦንችሸ ባንታ አዋ፥ ናብያ የዱቱናፐ ጋርሳራ ኪተቶሶና።
4 ሄማና ናይት ቡቃያ፥ ማታና፥ ኡዝኤላ፥ ሳቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ኦሮማንትኤዘራ፥ ዮሽባቃሻ፥ ማሎታ፥ ሆትራነ ማዝኣታ። 5 ሀይሳቲ ኡባይ ካዋስ ቆንጨ በእያ ሄማና ናይታ። ፆሳይ እማና ግዳይሳዳ ሄማና ቁ ቁ ኦና መላ ሀ ታማነ ኦይዱ አደ ናይታነ ሄ ማጫ ናይታ እያዉ እሚስ። 6 ሀይሳቲ ኡባይ ፆሳ ኬን ዳላ ቃናዉ፥ ዲነ ማስንቆ ካእድ ጎይናናዉ ባንታ አዋፐ ጋርሳራ ደኦሶና።
አሳፍ፥ የዱቱንነ ሄማን ካዉዋፐ ጋርሳራ ደኦሶና። 7 ሄሳት ባንታ ዳቦታራ ግድድ ፆሳስ ሺቅያ ማዝሙረን ሎህዳይሳታ፤ ኤንቲ ኩመ 288. 8 ኤንቲ ባንታ ኦሱዋ ሻክድ ኤራናዉ ናእ ጭም፥ አስታማረይ ታማረይ ሻሆይ ባይና ሳማ የግዶሶና።
9 ኮይሮ ሳማይ አሳፋ ናኣ ዮሰፋስ ከይስ። ናምአን ሳማይ ጋዳላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 10 ሄን ሳማይ ዛኩራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 11 ኦይዳን ሳማይ ፃራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 12 እቻሻን ሳማይ ናታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 13 ኡሱፑን ሳማይ ቡቃያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 14 ላፑን ሳማይ ይሽራኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 15 ሆስፑን ሳማይ ያሻያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 16 ኡዱፉን ሳማይ ማታናስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 17 ታማን ሳማይ ሳምአስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 18 ታማነ እስን ሳማይ ኡዝኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 19 ታማነ ናምአን ሳማይ ሀሳባያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 20 ታማነ ሄን ሳማይ ሳቡኤላስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 21 ታማነ ኦይዳን ሳማይ ማትታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 22 ታማነ እቻሻን ሳማይ ያርሞታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 23 ታማነ ኡሱፑን ሳማይ ሀናና ከይስ፤ እ፥ እያ ናይትነ እያ ዳቦት ኩመ ታማነ ናምአ። 24 ታማነ ላፑን ሳማይ ዮሽባቃሻስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 25 ታማነ ሆስፑን ሳማይ ሀናንያስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 26 ታማነ ኡዱፉን ሳማይ ማሎታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 27 ላታማን ሳማይ ኤልኣታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 28 ላታማነ እስን ሳማይ ሆትራስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 29 ላታማነ ናምአን ሳማይ ግዳልታስ ከይስ፤ እ፥ እያ ናይትነ እያ ዳቦት ኩመ ታማነ ናምአ። 30 ላታማነ ሄን ሳማይ ማህዝኣታ ከይስ፤ እ፥ እያ ናይትነ እያ ዳቦት ኩመ ታማነ ናምአ። 31 ላታማነ ኦይዳን ሳማይ ኦሮማንትኤዘራስ ከይስ፤ እ፥ እያ ናይትነ እያ ዳቦት ኩመ ታማነ ናምአ።