ዳዊታ ሼሽ
1 ከብሮና ካታማን ዳዊቲ የልዳ ናይት ሀይሳፈ ካልድ ፃፈትዳይሳታ፤ እዝራኤለ ማጫሰ አክናሆምፐ የልዳ ባይራ ናአይ አምኖና። ቃርመሎሳ ማጫሰ አብግያፐ የልዳ ናምአን ናአይ ዳነላ። 2 ገሹራ ካዋ ታልማያ ናእያ ማእካ የልዳ ሄን ናአይ አበሰሎመ። አግታ የልዳ ኦይዳን ናአይ አዶንያሳ። 3 አብፃላ የልዳ እቻሻን ናአይ ሳፋፃ። ኤግላ የልዳ ኡሱፑን ናአይ ይትርሃማ። 4 ዳዊቲ ሀ ኡሱፑን ናይታ ከብሮናን የልስ። ዳዊቲ ከብሮናን ላፑን ላይነ ኡሱፑን አጌና ካዎትስ።
የሩሳላመን ሀስታማነ ሄ ላይ ካዎትስ። 5 ዳዊቲ የሩሳላመን አምኤላ ናኤ በርሳበፐ የልዳ ኦይዱ ናይት ሳሙሳ፥ ሶባባ፥ ናታነነ ሶሎሞነ። 6 ቃስ ሀራ ኡዱፉን አደ ናይት እያብሃራ፥ ኤልሹአ፥ ኤልፋላፃ፥ 7 ኖጋ፥ ነፈቃ፥ ያፋያ፥ 8 ኤልሳማ፥ ኤልዳሄነ ኤልፋላፃ። 9 ሀ አደ ናይታ ኡባ ቦላ ዳዊታስ ላገታፐ የለትዳ ሀራ አደ ናይት ደኦሶና፤ ትማሮ ጌተትያ ምቻ ኤንታዉ ደአዉሱ።
ይሁዳ ካዎታ
10 ካዋ ሶሎሞነ የለታይ ሀይሳፈ ካልድ ፃፈትዳይሳ። ሶሎሞነ ናአይ ሮብኣማ፤ ሮብኣማ ናአይ አብያ፤ አብያ ናአይ አሳ፤ አሳ ናአይ እዮሳፈፃ፤ 11 እዮሳፈፃ ናአይ እዮራማ፤ እዮራማ ናአይ አካዝያሳ፤ አካዝያሳ ናአይ እዮኣሳ፤ 12 እዮኣሳ ናአይ አማስያሳ፤ አማስያሳ ናአይ አዛርያሳ፤ አዛርያሳ ናአይ እዮአታማ፤ 13 እዮአታማ ናአይ አካዛ፤ አካዛ ናአይ ህዝቅያሳ፤ ህዝቅያሳ ናአይ ምናሰ፤ 14 ምናሰ ናአይ አሞፀ፤ አሞፀ ናአይ እዮስያሳ። 15 እዮስያሳ ናአይ ባይራይ ዮሃናና፤ ናምአንይ እዮኣቀመ፤ ሄንይ ሰደቅያሳ፤ ኦይዳንይ ሳሎማ። 16 እዮኣቀመ ናይት እኮንያናነ ሰደቅያሳ።
ካዎታ የለታ ሱሳ
17 ድኤትድ ባብሎነ ብዳ እኮንያና አደ ናይት ሳላትያላ፥ 18 ማልክራማ፥ ፓዳያ፥ ሸናፃራ፥ ይቃማ፥ ሆሻማነ ናዳባ። 19 ፓዳያ አደ ናይት ዛሩባበላነ ሳመአ። ዛሩባበላ አደ ናይት ማሱላማነ ሀናና፤ ኤንታ ምችያ ሳሎምቶ። 20 ሀይሳታ ቦላ ሀራ እቻሹ አደ ናይት ዛሩባበላስ ደኦሶና፤ ኤንትካ ሀሹባ፥ ኦሄላ፥ ባራካ፥ ሀሳድያነ ዮሻብ-ሄሰዳ።
21 ሀናና አደ ናይት ፓላፃነ የሻያ። የሻያ ናአይ ራፋያ፤ ራፋያ ናአይ አርናና፤ አርናና ናአይ አብድዩ፤ አብድዩ ናአይ ሳካና፤ 22 ሳካና ናአይ ሻማያ። ሻማያ ናይት እቻሻት ሀፁሳ፥ ይግኣላ፥ ባርሀ፥ ናአራነ ሻፋፃ። 23 ናአራ ናይት ሄት ኤልዮአና፥ ህዝቅያሳነ አዝርቃማ። 24 ኤልዮአና ናይት ላፑናት ሆዳዋ፥ ኤልያሴባ፥ ፓላያ፥ አቁባ፥ ዮሃናና፥ ዳላያነ አኔና።