10 ኤንቲ ጌተትዳይሳዳ ኦዶሶና፤ ናምኡ ንያ ሚዛታ ኤክድ፥ ጋረን ዋፅዶሶና፤ ማራታ ሶ ዛሪድ ጎርድዶሶና። 11 ኤንቲ ጎዳ ታቦትያ፥ ዎርቃ ክፃነ ኤጨረ ምስለት ደእያ ሳፅንያ ጋረን ዎዶሶና። 12 ሄሳፈ ጉየ፥ ሚዛት ቤት-ሳሜሳ ኤፍያ ኦግያ ኦይክድ ገደ ሃ ጎና "ህምባ" ግድ ዋስሸ ብዶሶና። ፍልስፄመ ሀላቃት ሚዛታ ጌዶ ካልድ፥ ቤት-ሳሜሳ ዛዋ ጋካናዉ ብዶሶና።

13 ቤት-ሳሜሳ አሳይ ሄ ዎደ ዛንጋራን ግስተ ጫኮሶና፤ ኤንቲ ቁ ግድ ፄልድ፥ ታቦትያ በእድ ኡፋይትዶሶና። 14 ጋረይ ቤት-ሳሜሳን ደእያ እያሱ ጌተትያ ኡራ ጋደ ጋክድ፥ እስ ግታ ሹቻ ማታን ኤቅስ። ኤንቲ ጋርያ ም ቀርድ፥ ፁሳ ያርሾ ኦድ ሄ ሚዛታ ጎዳስ ያርሽዶሶና። 15 ሌወት ጎዳ ታቦትያነ ዎርቃ ሚሸት ደእያ ሳፅንያ ጋርያፐ ዎስድ፥ ግታ ሹቻ ቦላ ዎዶሶና። ሄ ጋላስ ቤት-ሳሜሳ አሳይ ጎዳስ ፁሳ ያርሾነ ሀራ ያርሾታ ያርሽዶሶና።