ናምኡ ማርካታ
1 ሄሳፈ ጉየ፥ ታዉ ዋ ፃምአ እምድ፥ "ባዳ ፆሳ ኬነ ያርሾ በሳ ዋ፤ ያን ጎይንያ አሳታካ ፓይዳ።11:1 ህዝ 40:3፤ ዛካ 2:1. 2 ሽን ፆሳ ኬ ካረ ዳባባይ አይሁደ ግዶና አሳስ እመትዳ ግሾ ዋና አጋጋ። አይሁደ ግዶና አሳይ ጌሻ ካታማ ኦይታማነ ናምኡ አጌና ሃራና።11:2 ሉቃ 21:24. 3 ታኒ ካዮ ማኦ ማእዳ ታ ናምኡ ማርካታ ኪታና፤ ኤንቲ 1,260 ጋላስ ትንብተ ኦዳና" ያግስ።
4 ሄ ናምኡ ማርካት አላምያ ጎዳ ስንን ኤቅያ ናምኡ ሻማሆ ምታነ ናምኡ ፆምፐ ዎያ ኮጫታ።11:4 ዛካ 4:3. 5 ኦንካ ኤንታ ቆሀናዉ ኮይኮ ኤንታ ዶናፐ ታም ከይድ፥ ኤንታ ሞርከታ ይሴስ። ኤንታ ቆሀናዉ ኮይያ ኦንካ ሄሳዳ ሀይቃና። 6 ኤንቲ ትንብተ ኦድያ ዎደ እር ቡኮና መላ ሳሉዋ ጎርዳናዉ ኤንታዉ ማት ደኤስ። ኤንታዉ ሃ ሱ ከሳናዉ፥ ቃስ ኤንቲ ኮይዳ መላ ቢታ ዱማ ዱማ ጋዶን ይሳናዉ ኤንታዉ ማት ደኤስ።11:6 1 ካዎ 17:1፤ ከሳ 7:17.
7 ኤንቲ ባንታ ማርካተ ኦንግዳፐ ጉየ፥ ኦላፈ ከይያ ዶአይ ኤንታና ኦላና። ሄ ዶአይ ኤንታ ፆናና፤ ዎና።11:7 ዳነ 7:7፤ ቆን 13:5. 8 ኤንታ ጎዳይ ማስቃልያ ቦላ ካቀትዳ ግታ ካታማ ኦግያ ቦላ ኤንታ አሀይ የገታና። ሄ ካታማይ ሌምሶን ሶዶመ ዎይኮ ግብፀ ጌተትድ ፄገቴስ።11:8 እሳ 1:9. 9 ቃስ ኮቸ ኡባፈ፥ ያራ ኡባፈ፥ ዱማ ዱማ ዶናፐነ ካዎተ ኡባፈ ይዳ አሳይ ኤንታ አሀ ሄ ጋላስነ ባጋ ጋካናዉ በአና። ኤንታ አሀይ ሞገቶና መላ አሳይ ድጋና። 10 ሀ ናምኡ ናበት ሳአን ደእያ አሳ ዋይስዳ ግሾ አሳይ ኤንታ ሀይቁዋን ኡፋይታና። ባንታ ኡፋይሳ በሳናዉ እሶይ እሱዋስ እሞታ እማና።
11 ሄ ጋላስነ ባጋፈ ጉየ፥ ደኦ አያናይ ፆሳ ማታፐ ይድ ኤንታን ገልን፥ ኤንቲ ደንድ ኤቅዶሶና። ኤንታ በእዳ ኡባይ ግታ ያሽ ያይዶሶና።11:11 ህዝ 37:10. 12 ሄሳፈ ጉየ፥ ሄ ናምኡ ናበት፥ "ሃ ፑደ ከይተ" ግያ ቃላ ሳሎፐ ስእዶሶና። ኤንታ ሞርከት ኤንታና በእሽን፥ ኤንቲ ሻራን ገልድ ፑደ ሳሎ ብዶሶና።11:12 2 ካዎ 2:11.
13 ሄ ሳትያን ቢታይ ዎልቃማ ቃፆ ቃፅን፥ ካታማፐ ታማን ኩሸይ ይስ። ቃስ ቢታ ቃፆን ላፑን ሙኩሉ አሳይ ሀይቅስ። አትዳ አሳይ ዳሮ ኮኮርድ ባብድ፤ ሳሎ ፆሳስ ቦንቾ እምዶሶና።11:13 ቆን 6:12፤ 16:18.
14 ናምአን አየይ አስ፥ ሽን ሄኮ ሄን አየይ ኤሶን ያና።
ላፑን ሞይዘ
15 ላፑን ኪታንቾይ ባ ሞይዝያ ፑንስ። ሳሎፐ፥ "ሳኣ ካዎተይ ኑ ጎዳስነ ክርስቶሳስ ግድስ፤ እ መርናፐ መርና ጋካናዉ ሃራና" ግያ ዎልቃማ ቃላይ ስኤትስ።11:15 ከሳ 15:18፤ ዳነ 2:44፤ 7:14. 16 ያትን፥ ፆሳ ስንን፥ ባንታ አራታን ኡትዳ ላታማነ ኦይዱ ጭማት ጉፋንድ፥ ፆሳስ ጎይንድ፥
17 "ሀእካ ካሰካ ደኤይሶ፥
ጎዳዉ፥ ኡባፈ ዎልቃማ ፆሳዉ፥
ኔኒ ግታ ዎልቃ ኦይካዳሳ።
ኔኒ ሃራናዉ ዶምዳ ግሾ፥
ኑኒ ነና ጋላቶስ።11:17 ከሳ 3:14.
18 አይሁደ ግዶና አሳይ ሀንቀትዶሶና፥
ሽን ነ ሀንቆይ ይስ።11:18 ማዝ 2:5፤ 110:5፤ 115:13.
ሀይቅዳይሳታ ቦላ ነ ፕርድያ ዎደይ ጋክስ፤
ኔኒ ነ አይለታ፥ ናበታስ
ጌሻታስነ ነ ሱንስ ያየይሳታስ፥
ጉታስነ ግታታስ፥ ኤንታ ኦሱዋዳ እምያ ዎደይ ጋክስ።
አላምያ ይሰይሳታ ይስያ ዎደይ ይስ"
ያግዶሶና።
19 ሳሎን ደእያ ፆሳ ኬይ ዶየትስ፤ እያ ግዶን ፆሳ ጫቆ ታቦተይ በንትስ። ቃስ ዎልአን ዎልአምስ፥ ደሾይ ደችስ፤ ዳዳይ ቅስ፤ ቢት ቃፅስ፤ ሻች ቡክስ።11:19 ቆን 8:5፤ 16:18፥ 21.