Isayaasa Tinbite 61

Atoteththa Mishiraachcho

1 Ubbaa Haariza GODAA Ayanay ta bolla dees;

hiyeesatas mishiraachcho

yootana mala,

GODAY tana tiydes.

Izi tana wozinay meqqidayta

koolana mala,

di7ettidayta la7a kessana mala,

qashettidaytas birsheth

awajjana mala kiittides.✝61:1 Mato 11:5; Luqa 7:22

2 Dosettida GODAA layth,

nu Xoossay halo kessiza gallassa

awajjana malanne

yeekkizayta ubbaa

minththeththana mala

tana kiittides.✝61:1-2 Luqa 4:18-19

3 Qasseka Xiyoonen kayottizayta

doshisana mala,

bidinththa gishshas

puulateththa kallachcha;

yeeho gishshas ufayssa zayte

istta hu7en ta gussana mala,

ceece ayana gishshas galata seelo

ta istta bolla gophana mala

tana kiittides;

isttika iza bonchcho

qonccisana mala

GODAY tokkida xillo mith

geetetti xeygettana.