Provérbios 1

Aadho Erateth Kadhizaytas Imettida Seera

20 Aadho erateththaya

oge bolla de7ashe xeygawus;

dubbushan ba qaala

dhoqqu histtada waassawus.

21 Aadho erateththaya cora asi

shiiqizason waassawus;

katama geliza pengen eqqada,✝1:20-21 Leemi 8:1-3

22 «Intteno wozina pacetoo!

Intte awude gakkanaas

eeyateththa oge kaallanee?

Qilccizaytoo! Intte qilccizayssan

awude gakkanaas ufayetteetii?

Eeyatoo! Erateththa

awude gakkanaas ixxanee?

23 Ta seeran intte simmidaakko,

tani ta qofa

inttes qonccisanakkoshin;

ta qaalakka

inttena tamaarsanakkoshin.