Provérbios 2

Aadho Erateththafe Beettiza Anjjo

1 Ta naazoo! Neni ta qaala siyikko,

ta azazokka

neni ne wozinan woththiko,

2 ne hayth aadho erateththaako

zaarikko,

ne wozina akeekakko

ne zaarikko,

3 shaakki erisiza erateth

ne koykko,

ne qaala dhoqqu histtada

akeeka xeygikko,

4 izokka bira koyza mala

ne koykko,

qotan diza aqota mala

ne izo minththa koykko,

5 he wode neni

GODAAS yashshateth akeekana;

Xoossaaka lo7eththada erana.

6 GODAY aadho erateth

immiza gishshas

izappe erateththinne

akeekay beettes.