Godaan Ammaneteth
1 Ta naazoo!
Tani nena tamaarsizayssa
dogoppa;
ta azazotakka
ne wozinan woththa.
2 Istti ne layth adussana;
ishalo de7onne
saroteth nees gujjana.
3 Siiqoynne tumateththi
neeppe haakkofetto;
istta ne qoodhen qachcha;
ne wozinankka xaafa.
4 Histtiko neni Xoossa sinththaninne
asaa sinththan sabettananne
lo7o sunth demmana.3:4 Luqa 2:52
5 Neni polo wozinan
GODAAN ammanetta;
neni ne akeekan zemppofa.
6 Neni biza oge ubbaan
iza sinththasa;
izikka ne biza oge suurisana.
7 Nerkka nena
aadho eranchcha gooppa;
GODAAS yayya;
iitappeka haakka.3:7 Oro 12:16
8 Hessi ne bollaa payya woththana;
ne meqeththatakka xalisana.