Ʉlowa wang’wi Itunda kʉng’wa Kilisito Yesʉ
31 Kʉlʉnge ʉlɨ gwa mʉ makani nanso? Itunda anga watule ʉkolɨ kipande litʉ, nyenyu nʉhumile kʉʉkɨngɨla? 32 Itunda shanga aɨʉmʉgiɨye ʉ Ng’waakwe nʉwing’wene, wɨkamʉpumya kʉnsoko itʉ kɨhi. Anga ituleʉ aʉtendile, itɨɨ, ʉkʉleng’wa ʉlɨ kʉʉkendepa ʉkende wɨhi palʉng’wɨ nʉng’wenso? 33 Itɨɨ, nyenyu gwa nʉhumile kʉasemela antʉ ni Itunda ʉahoile? Ingɨ Itunda ng’wenso wɨahegelya magazo! 34 Nyenyu gwa nʉkʉlamʉla apɨsɨɨligwe? Kʉtilɨ, kʉnsoko Kilisito Yesʉ ng’wenso aʉkule, nʉkiʉka, nʉyo ʉkolɨ ipande nɨla ʉhumi kʉng’wi Itunda, ng’wenso wikʉlompelya ʉsese! 35 Nyenyu nʉhumile kʉʉkoma nʉ ʉlowa wang’wa Kilisito? Itɨɨ, lwagone ang’wɨ ʉhiɨlwa ang’wɨ wagigwi, ang’wɨ nzala, ang’wɨ ʉʉlya matugalo, ang’wɨ ʉlʉgʉ, ang’wɨ nshane? 36 Anga Ʉandɨkwa wang’wi Itunda nʉʉandɨkile,
"Kʉnsoko ako ʉsese nɨkaile kɨakʉnsha,
kɨaligwa anga nkolo niyisɨnzwa." 37 Ingɨ, mʉ makani nanso ɨhi, kʉlongolekile kʉhuma kʉnsoko kɨaɨɨligwa nʉ Kilisito naɨʉkʉloilwe. 38 Kʉnsoko nɨngile kʉlʉ kʉʉlʉ kɨna kʉtile kɨntʉ nɨkɨhumile kʉʉkomatʉla nʉʉlowa wang’wi Itunda, shanga nsha ang’wɨ ʉpanga, ang’wɨ amalaɨka ang’wɨ ngulu ningɨza niya kigʉlʉ, ang’wɨ mʉ makani nakʉpumɨla itungo ɨlɨ ang’wɨ napembilye panyambele, ang’wɨ ʉhumi, 39 itule makani namolɨ mʉ ʉnkumbigʉlʉ nʉwa migʉlya, ang’wɨ nʉwa mihɨɨ. Kʉtile kɨʉmbwa kɨhi nɨkɨhumile kʉʉkoma nʉ ʉlowa wang’wi Itunda nʉ ʉmolɨ mʉng’wa Kilisito Yesʉ Isekʉlʉ witʉ.