yesuwε eyaδef uwrceliym
1 max i Tullen f uwrceliym ewDen ibiytfaji dbiytεenya, g eddehreθ nuzemmuwr, yuzen yesuwε sen seg etlemδas. 2 yennasen: «berreθ ytemuwreθ elli ezzeθennum, umax etteδfem δeθefem ejjeHc yemmeqqen elyiyni felles Hette Hed, miremt teγδemt. 3 umax exenyenceδ Hed: <imette ittegem g wahen, enmes yeseθHeqqi rebbi, ture eθner liyhliyh.>» 4 exeDmen sennadiyn efen ejjeHc yemmeqqen g elbab f webriδ, mirent. 5 encδenten elli kanen diyn: «ecbiykum etmarem g ejjeHc?» 6 ennenasen emmax i nniweSSe yesuwε, edjenten. 7 ewyen ejjeHc y yesuwε, HuTTen edbecensen felles11.7 enzi zk 9:9 yini. 8 w egget leεbaδ essewen edbecensen f ebriδ, w lebHaD ettireĎwiyn ebyenten seg ijiyman. 9 w kanen elli egguwren ezzaθ nyesuwε welli θebεen δiys etzeεwgen: «uSenna11.9 meεnahe bilεibriye <eyemneε!> utah δeTTeriyqeθ elli ettesθeqbalen essis elmlek. enzi mz 118:25! eyembarex elli yeseδ s ellesm nrebbi! 10 eθembarex elmemlxeθ elli δeθeddes, elmemlxeθ ndaddeθne dawud! uSenna g elεlaliy!»
11 yaδef yesuwε uwrceliym elmi yiweD yelheykel, yerqeb kul cey δiys. w ykan meεεač bekri, yeffeγ ibiytεenya nette detlemδas leθnac.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)