1 ଇସ୍ୱରନ୍‌ ଆସିଙ୍‌ ଆମୁକାବା ଏଜ୍ରାନ୍‌ ପାର୍ତନାନ୍‌ ଡ ବର୍ନେନ୍‌ ବର୍ରନ୍‌, ୟନେନ୍‌ ଡ ଆରବ୍‌ତୁଜେନ୍‌ ଆଡିଡ୍‌ ଇସ୍ରାଏଲନ୍‌ ଆମଙ୍‌ ସିଲଡ୍‌ ଓବ୍ବାମରନ୍‌ ଡ ଆଇମରଞ୍ଜି ଆରି ପସିଜଞ୍ଜି ଅବୟ୍‌ ସୋଡ଼ା ରନୁକୁନ୍‌ ଆମଙ୍‌ବାନ୍‌ ରୁକୁଲଞ୍ଜି; ଇନିଆସନ୍‌ଗାମେଣ୍ଡେନ୍‌ ମନ୍‌ରାଞ୍ଜି ଜବ୍ର ୟେୟେଡାଲଞ୍ଜି । 2 ସିଲତ୍ତେ ଏଲମନ୍‌ ଆ ଡାଙ୍ଗଡ଼ିଞ୍ଜି ଆମଙ୍‌ସିଲଡ୍‌ ଜିଇଏଲନ୍‌ ଆଡାଙ୍ଗାଡ଼ାଅନ୍‌ ସକନିୟନ୍‌ ଏଜ୍ରାନ୍‌ଆଡଙ୍‌ ଜାଲଙ୍‌ଲେ ବରେନ୍‌, "ଇନ୍‌ଲେଞ୍ଜି ଇସ୍ୱରନ୍‌ ଆ ବିରୁଦଲୋଙ୍‌ ଆଜାଡ଼ିନ୍‌ ଆଲ୍ଲେଲେ ବଡେସାବାୟ୍‌ ଆ କେଜ୍ଜାଜି ଆଇମରଞ୍ଜିଆଡଙ୍‌ ଏବିବାଲନାୟ୍‌; ଡେଲୋଜନଙ୍‌ ନମିଆନ୍ତାନ୍‌ ଇସ୍ରାଏଲନ୍‌ ଆସନ୍‌ ଅର୍ରସାନେ ଡକୋ । 3 ତିଆସନ୍‌ ଇନ୍‌ଲେଞ୍ଜି ନମି ପ୍ରବୁଲେନ୍‌ ଡ ଇସ୍ୱରଲେନ୍‌ ଆ ବନାଁୟ୍‌ବର୍‌ଲୋଙ୍‌ ତକ୍କରମରଞ୍ଜି ଆ ଞନଙ୍‌ଞଙ୍‌ଲୋଙ୍‌ କେନ୍‌ ଅଡ଼୍‌କୋନ୍‌ ଆ ଡୁକ୍ରି ଡ କେନ୍‌ ଆନିଞ୍ଜି ସିଲଡ୍‌ ଆ କନୋଡ୍‌କୋଡ୍‌ ଅଡ଼୍‌କୋଞ୍ଜିଆଡଙ୍‌ ସବ୍‌ଙାୟ୍‌ଡାଲେ ଇସ୍ୱରଲେନ୍‌ ସରିନ୍‌ ଅନସୟଏତୁବ୍‌ଲାୟ୍‌; ଆରି, କେନ୍‌ଆତେ ବନାଁୟ୍‌ବରନ୍‌ଅନ୍ତମ୍‌ ଡେଏତୋ । 4 ଡୋନା, ଇନିଆସନ୍‌ଗାମେଣ୍ଡେନ୍‌ ଉପ୍ରେଙ୍‌ନମ୍‌ କେନ୍‌ ଆକାବ୍ବାଡ଼ା ଆବୁଡ଼ାର୍‌ ଡକୋ ଆରି ଇନ୍‌ଲେଞ୍ଜି ଆମନ୍‌ ସରିନ୍‌ ଏଡକୋତନାୟ୍‌; ଅଃବୋର୍ସାଲନ୍‌ କେନ୍‌ ଆକାବ୍ବାଡ଼ା ଲୁମା ।" 5 ସିଲତ୍ତେ ଏଜ୍ରାନ୍‌ ଡୋଲନ୍‌ କେନ୍‌ ଆବର୍ନେ ଅନ୍ତମ୍‌ କାବ୍ବାଡ଼ାନ୍‌ ଆଲନୁମ୍‌ ଆସନ୍‌ ରାଓଡ଼ାଞ୍ଜି, ଲେବିୟଞ୍ଜି ଡ ସମ୍ପରା ଇସ୍ରାଏଲନ୍‌ ଆ ସୋଡ଼ାମର୍‌ଞ୍ଜିଆଡଙ୍‌ ଅଃପର୍ମାଡ଼ାଏଞ୍ଜି । ସିଲତ୍ତେ ଆନିଞ୍ଜି ପର୍ମାଡ଼ାଲଞ୍ଜି । 6 ସିଲତ୍ତେ ଏଜ୍ରାନ୍‌ ଇସ୍ୱରନ୍‌ ଆସିଙ୍‌ ଆମୁକାବା ସିଲଡ୍‌ ଡୋଲନ୍‌ ଇଲିଆସିବନ୍‌ ଆଡାଙ୍ଗାଡ଼ାଅନ୍‌ ଜିଓଆନନ୍‌ ଅମସିଙନ୍‌ ଜିରେଞ୍ଜି; ଆରି ଆନିଞ୍ଜି ତେତ୍ତେ ଆରଡ଼ୋଏନ୍‌ ରୁଟିନ୍‌ ଆରି ଡାଆନ୍‌ ଅଃଗାଲୋ; ଇନିଆସନ୍‌ଗାମେଣ୍ଡେନ୍‌ ଆନିନ୍‌ ବଣ୍ଡିମରଞ୍ଜି ଆବନାଁୟ୍‌ବରନ୍ ଆରାଲ୍ଲେଞ୍ଜି ଆସନ୍‌ ଆନିନ୍ ୟେଡାଲଞ୍ଜି । 7 ତି ସିଲଡ୍‌ଲ୍ଲନ୍‌ ମନ୍‌ରାଞ୍ଜି ଜିଉଦାନ୍‌ ଡ ଜିରୁସାଲମନ୍‌ ସମ୍ପରା ଆ ବନଣ୍ତି ଅନଞ୍ଜି ଆମଙ୍‌ବା ଓଡ୍ଡେଲେ ବରେଞ୍ଜି,କି "ଆନିଞ୍ଜି ଜିରୁସାଲମଲୋଙ୍‌ ରୁକ୍କୁତଞ୍ଜି; 8 ଆରି ସୋଡ଼ାମରଞ୍ଜି ଡ ଆମ୍ମୁଙ୍‌ଗଡ୍‌ମରନ୍‌ ଆବର୍ନେ ଅନ୍ତମ୍‌ ଆନା ୟାଗି ଡିନ୍ନାଲୋଙ୍‌ ଅଃଜ୍ଜିରାୟ୍‌, ଆନର୍ଜେନ୍‌ ଅଡ଼୍‌କୋନ୍‌ ଜନୁରନ୍‌ ଡେତେ ଆରି ଆନିନ୍‌ ଆନିନ୍‌ଡମ୍‌ ବନଣ୍ତି ରନୁକୁନ୍‌ ସିଲଡ୍‌ ଆନାଙ୍‌ସାନ୍‌ ଡେତେ ।" 9 ସିଲତ୍ତେ ଜିଉଦାନ୍‌ ଡ ବିନ୍ନାମିନନ୍‌ ଅଡ଼୍‌କୋନ୍‌ ଆ ମନ୍‌ରାଜି ୟାଗି ଡିନ୍ନାଲୋଙ୍‌ ଜିରୁସାଲମଲୋଙ୍‌ ରୁକ୍କୁଲଞ୍ଜି, ତି ନ ଆଙ୍ଗାୟ୍‌ ବକୁଡ଼ି ଡିନ୍ନା ଡକୋଏନ୍‌; ଆରି, ଅଡ଼୍‌କୋ ମନ୍‌ରାନ୍‌ ଇସ୍ୱରନ୍‌ ଆସିଙ୍‌ ଆମୁକା ଆଡ୍ରକୋନେବାଲୋଙ୍‌ ତଙ୍କୁମ୍‌ଲେ ତି ଆବର୍ନେ ଡ ସୋଡ଼ା ତରୁବନ୍‌ ଆସନ୍‌ ତକ୍କରେଞ୍ଜି ।

10 ସିଲତ୍ତେ ଏଜ୍ରା ରାଓଡ଼ାନ୍‌ ତନଙ୍‌ଡାଲେ ଆନିଞ୍ଜିଆଡଙ୍‌ ବରେଞ୍ଜି, "ଆମ୍ୱେଞ୍ଜି ଆଜାଡ଼ି ବନାଁୟ୍‌ବରନ୍‌ ଆଲ୍ଲେଏନ୍‌ ଆରି ଇସ୍ରାଏଲନ୍‌ ଡୋସା ଆନବ୍‌ଗୋଗୋୟ୍‌ ଆସନ୍‌ ବଡେସାବାୟ୍‌ ଆଇବୟ୍‌ଜିଆଡଙ୍‌ ଏବିବାଲନ୍‌ । 11 ତିଆସନ୍‌ ନମି ଆପ୍ପେୟ୍‌ବେଞ୍ଜି ଆ ଇସ୍ୱର ପ୍ରବୁନ୍‌ ଆମଙ୍‌ବା ଆୟ୍‌ବର୍ନାବା ଆରି ଆନିନ୍‌ଆଡଙ୍‌ ଆସର୍ଡାତେନ୍‌ ଆ କାବ୍ବାଡ଼ା ଲୁମ୍‌ବା; ଆରି, ଡେସାଲୋଙନ୍‌ ଆନ୍ନା କେଜ୍ଜାଞ୍ଜି ସିଲଡ୍‌ ଡ ବଡେସା ଆଇବୟ୍‌ଜି ଆମଙ୍ ସିଲଡ୍‌ ଆମ୍ୱେନ୍‌ ଆଙ୍‌ସାବା ।" 12 ତିଆଡିଡ୍‌ ସମ୍ପରା ରନୁକୁନ୍‌ ଜାଲଙ୍‌ଲେ ଅବ୍‌ସରଙ୍‌ଲନ୍‌ ବର୍ରଞ୍ଜି, "ଆମନ୍‌ ଏଙ୍ଗାଲେ ବର୍ରଲେନ୍‌, ଇନ୍‌ଲେଞ୍ଜି ତି ଅନ୍ତମ୍‌ ଏଲୁମ୍‌ତାୟ୍‌ । 13 ବନ୍‌ଡ ମନ୍‌ରାନ୍‌ ଗୋଗୋୟ୍‌ ଆରି ନମି ଗୋଗୋୟ୍‌ ତରୁବନ୍‌ ଅଡ଼ୋତାୟ୍‌, ଆରି ଇନ୍‌ଲେଞ୍ଜି ଡାଣ୍ତନ୍‌ ତନଙ୍‌ଲେ ଏରପ୍ତିଆୟ୍‌, ଅଡ଼େ କେନ୍‌ ଆତେ ବଡିନ୍ନା କି ବାଗୁ ଡିନା ଆକାବ୍ବାଡ଼ା ତଡ୍‌; ତିଆସନ୍‌ କେନ୍‌ ଆବର୍ନେଲୋଙ୍‌ ଇନ୍‌ଲେଞ୍ଜି ସୋଡ଼ା ଡୋସାନ୍‌ ଏଲୁମ୍‌ଲାୟ୍‌ । 14 ତିଆସନ୍‌ ଅଡ଼୍‌କୋ ରନୁକୁନ୍‌ ଆସନ୍‌ ସୋଡ଼ାମରଞ୍ଜି ତନବ୍‌ନଙନ୍‌ ଡେଏତଜି, ଆରି ଇସ୍ୱରନ୍‌ ଆ ସୋଡ଼ା ବନ୍‌ଡ୍ରାବନ୍‌ ଅମଙ୍‌ଲେନ୍‌ ସିଲଡ୍‌ ଅନ୍‌ରଙ୍‌ ଅସୁଜେନ୍‌ ଜାୟ୍‌ ଆରି କେନ୍‌ ଆବର୍ନେ ଗନବ୍‌ରିନ୍‌ ଅନ୍‌ରଙ୍‌ ଡେଏନ୍‌ ଜାୟ୍‌ ଗଡ଼ାଲୋଙ୍‌ଲେନ୍‌ ଅଙ୍ଗା ଆ ମନ୍‌ରାଜି ବଡେସାବାୟ୍‌ ଆଇବୟ୍‌ଜିଆଡଙ୍‌ ବିବାଲଞ୍ଜି, ତି ଅଡ଼୍‌କୋଞ୍ଜି ଆଗନବ୍‌ରିୟ୍ ଡିନ୍ନାଇଂ ଆଡିଡ୍‌ ଜିରାୟ୍‌ତଜି ଆରି ଆନିଞ୍ଜି ସରିନ୍‌ ଡିଲେ ଗଡ଼ାନ୍‌ ଆପାପୁର୍‌ମର୍‌ଜି ଡ ଅନବ୍‌ପସୁଆତିମରଞ୍ଜି ଜିରାୟ୍‌ତଜି ।" 15 କେନ୍‌ ଆବର୍ନେ ଆ ବିରୁଦଲୋଙ୍‌ ଅସାଏଲନ୍‌ ଆ ଡାଙ୍ଗାଡ଼ାଅନ୍‌ ଜୋନାତନନ୍‌ ଡ ତିକ୍‌ବରନ୍‌ ଆ ଡାଙ୍ଗାଡ଼ାଅନ୍‌ ଜଅସିଏଲନ୍‌ ଡୋଲଞ୍ଜି, ଆରି ମସୁଲ୍ଲମ୍‌ ଡ ଲେବିୟ ସବ୍ବତୟନ୍‌ ଆନିଞ୍ଜିଆଡଙ୍‌ ସାୟ୍‌ସିଏଞ୍ଜି ।

16 ବନ୍‌ଡ ଆ ବନଣ୍ତି ଅଅନଞ୍ଜି ତି ଅନ୍ତମ୍‌ ଲୁମେଞ୍ଜି । ଆରି, ଏଜ୍ରା ରାଓଡ଼ାନ୍‌ ଡ ରମ୍ମଙ୍‌ ରମ୍ମଙ୍‌ ଆପ୍ପେୟ୍‌ବେନ୍ ଆକେଜ୍ଜା ଅନ୍ତମ୍‌ ଆରି ଆଞୁମଞ୍ଜି ଅନ୍ତମ୍‌ ଆତନମିଜନ୍‌ ଆପ୍ପେୟ୍‌ କେଜ୍ଜାନ୍‌ ସୋଡ଼ାମରନ୍‌ ଲାଙ୍‌ଲେଡ୍‌ ଆଙ୍‌ସାଏଞ୍ଜି; ଆରି, ଆନିଞ୍ଜି ଦସ ଆଙ୍ଗାୟ୍‌ ଆପର୍ତମ୍ମୁ ତି ଆବର୍ନେ ଆସନାୟ୍‌ ଆସନ୍‌ ତଙ୍କୁମେଞ୍ଜି । 17 ଆରି, ଆନିଞ୍ଜି ଆପର୍ତମ୍ମୁନ୍‌ ଆଙ୍ଗାୟ୍‌ ଆପର୍ତମ୍ମୁନ୍‌ ଡିନ୍ନାଲୋଙ୍‌ ବଡେସା ଆଇବୟ୍‌ ଆ ବ୍ରିବାଲଞ୍ଜି ଆଓବାମର୍‌ ଅଡ଼୍‌କୋଞ୍ଜି ଆନବ୍‌ପସୁଆତି ସାଡେଞ୍ଜି ।

18 ରାଓଡ଼ାଞ୍ଜି ଆଅଞ୍ଜି ସିଲଡ୍‌ ଅଙ୍ଗା ଆ ମନ୍‌ରାଜି ଆନ୍ନା ଆଡେସା ଆଇବୟ୍‌ଆଡଙ୍‌ ବିବାଲଞ୍ଜି, ଆନିଞ୍ଜି କେନ୍‌, ଆଗ୍ରାମ୍‌ଗାମ୍‌, ଜୋସାଦକନ୍‌ ଆ ଡାଙ୍ଗାଡ଼ାଅନ୍‌ ଜେସୁୟନ୍‌ ଆଅଞ୍ଜି ଡ ଆ ବୋଞାଙଞ୍ଜି ସିଲଡ୍‌ ମାସେୟନ୍‌, ଇଲିଆଜରନ୍‌, ଜାରିବନ୍‌ ଡ ଗଦଲିୟ । 19 କେନ୍‌ ଆନିଞ୍ଜି ରମ୍ମଙ୍‌ ରମ୍ମଙ୍‌ ଆ ଡୁକ୍ରିଆଡଙ୍‌ ସବ୍‌ଙାତାୟ୍‌ ଗାମ୍‌ଲେ ସିବ୍‌ଡୟ୍‌ବରନ୍‌; ଆରି, ଆଡ୍ରୋସାଏଞ୍ଜି ଆସନ୍‌ ଆନିଞ୍ଜି ରମ୍ମଙ୍‌ ରମ୍ମଙ୍‌ ଡୋସା ଆସନ୍‌ ଗୋସ୍ସାନ୍‌ ସିଲଡ୍‌ ତଙ୍‌ବୟ୍‌ ତଙ୍‌ବୟ୍‌ ମେଣ୍ତାନ୍‌ ସୋରୋପ୍ପାୟେଞ୍ଜି । 20 ଆରି, ଇମ୍ମେରନ୍‌ ଆଅଞ୍ଜି ଆମଙ୍‌ସିଲଡ୍‌ ଅନାନିନ୍‌ ଡ ସବଦିଅନ୍‌ 21 ଆରି ଆରିମନ୍‌ ଆଅଞ୍ଜି ଆମଙ୍‌ ସିଲଡ୍‌ ମାସେୟନ୍‌, ଏଲିଅ, ସମୟିୟ, ଜିଇଏଲନ୍‌ ଡ ଉସିୟ; 22 ଆରି ପସ୍‌ଉରନ୍‌ ଆଅଞ୍ଜି ଆମଙ୍‌ ସିଲଡ୍‌ ଇଲିଓନୟ, ମାସେୟ, ଇସ୍ମାଏଲ, ନତନେଲ, ଜୋସାବଦ୍‌ ଡ ଇଲିଆସନ୍‌ ।

23 ଆରି ଲେବିୟଞ୍ଜି ଆମଙ୍‌ସିଲଡ୍‌ ଜୋସାବଦ୍‌ ଡ ସିମିଇନ୍‌ ଡ କଲାୟନ୍‌ କେନ୍‌ ଆତେ କଲିଟ ଗାମ୍‌ତଜି,ପତାଇୟନ୍‌, ଜିଉଦାନ୍‌ ଡ ଇଲିଆଜରନ୍‌; 24 ଆରି, କନନ୍‌ମରଞ୍ଜି ଆମଙ୍‌ ସିଲଡ୍‌ ଇଲିଆସିବନ୍‌; ଜଗେସିଙ୍‌ମରଞ୍ଜି ଆମଙ୍‌ ସିଲଡ୍‌ ସଲ୍ଲୁମ୍‌ ଡ ଟେଲମ୍‌ ଡ ଉରି । 25 ଇସ୍ରାଏଲନ୍‌ ସିଲଡ୍‌ ପରିୟୋସନ୍‌ ଆଅଞ୍ଜି ଆମଙ୍‌ସିଲଡ୍‌ ରମିୟ, ଜିସିୟ, ମଲ୍‌କିୟ, ମିୟାମିନ୍‌, ଇଲିଆସନ୍‌, ମଲ୍‌କିୟନ୍‌ ଡ ବନାୟନ୍‌ । 26 ଆରି, ଏଲମ୍‌ନ୍‌ ଆଅଞ୍ଜି ଆମଙ୍‌ ସିଲଡ୍‌ ମତ୍ତନିୟ, ଜିକରିୟନ୍‌ ଡ ଜିଇଏଲନ୍‌ ଡ ଅବ୍‌ଦିନ୍‌ ଡ ଜେରେମୋତନ୍‌ ଡ ଏଲିଅନ୍‌ । 27 ଆରି ସତ୍ତୁରନ୍‌ ଆଅଞ୍ଜି ଆମଙ୍‌ ସିଲଡ୍‌ ଇଲିୟଓନୟ, ଇଲିଆସିବନ୍‌ ଡ ମତନିୟନ୍‌ ଡ ଜେରେମୋତନ୍‌ ଡ ସାବଦନ୍‌ ଡ ଅସିସାନ୍‌ 28 ଆରି ବେବୟନ୍‌ ଆଅଞ୍ଜି ଆମଙ୍‌ସିଲଡ୍‌ ଜିଓଆନନ୍‌, ଅନାନିଅନ୍‌, ସବେୟନ୍‌, ଅତଲୟନ୍‌; 29 ଆରି ବାନିନ୍‌ ଆଅଞ୍ଜି ଆମଙ୍‌ସିଲଡ୍‌ ମସୁଲ୍ଲମନ୍‌, ମଲ୍ଲୁକନ୍‌ ଡ ଅଦାୟାନ୍‌, ଜାସୁବନ୍‌ ଡ ସାଲନ୍‌, ଜିରେମୋତନ୍‌ ।

30 ଆରି, ପଅତ୍‌-ମୋୟାବନ୍‌ ଆଅଞ୍ଜି ଆମଙ୍‌ସିଲଡ୍‌ ଅଦନନ୍‌ ଡ କଲାଲନ୍‌, ବନାୟନ୍‌, ମାସେୟନ୍‌, ମତନିୟନ୍‌, ବତ୍ସଲେଲନ୍‌ ଡ ବିନୁୟିନ୍‌ ଡ ମନସିନ୍‌; 31 ଆରି ଆରିମନ୍‌ ଆଅଞ୍ଜି ସିଲଡ୍‌ ଇଲିଆଜରନ୍‌, ଜିସିଅନ୍‌, ସମୟିୟନ୍‌, ସିମିୟୋନନ୍‌; 32 ବିନ୍ନାମିନ୍‌, ମଲୁକନ୍‌, ସେମରିୟନ୍‌; 33 ଅସୁମରନ୍‌ ଆଅଞ୍ଜି ସିଲଡ୍‌ ମତନୟନ୍‌, ମତତନ୍‌, ସାବଦନ୍‌, ଇଲିପେଲଟନ୍‌, ଜେରେମୟନ୍‌, ମନସିନ୍‌, ସିମିୟିନ୍‌; 34 ବାନିନ୍‌ ଆଅଞ୍ଜି ସିଲଡ୍‌ ମାଦୟନ୍‌, ଅମ୍ରାମନ୍‌ ଡ ଉୟେଲନ୍‌; 35 ବନାୟନ୍‌, ବେଦିଆନ୍‌, କଲୁଉନ୍‌; 36 ବନିୟନ୍‌, ମରେମୋତନ୍‌, ଇଲିଆସିବନ୍‌; 37 ମତନିୟନ୍‌, ମତନୟନ୍‌ ଡ ଜାସୟନ୍‌; 38 ଆରି ବାନିନ୍‌ ଡ ବିନୁୟିନ୍‌, ସିମିୟିନ୍‌; 39 ସେଲିମିୟନ୍‌ ଡ ନାତନନ୍‌ ଡ ଅଦାୟାନ୍‌; 40 ମଗ୍ନଦ୍‌ବୟନ୍‌, ସାସୟନ୍‌, ସାରୟନ୍‌; 41 ଅସରେଲନ୍‌ ଡ ସେଲିମିୟନ୍‌, ସେମରିୟନ୍‌; 42 ସଲୁମନ୍‌, ଅମରିଅନ୍‌, ଜୋସେପନ୍‌ । 43 ନବୋରନନ୍‌ ଆଅଞ୍ଜି ସିଲଡ୍‌ ଜିଜିଏଲନ୍‌, ମତତିୟନ୍‌, ସାବଦନ୍‌, ସବିନନ୍‌, ଜଦୋୟନ୍‌ ଡ ଜୋଏଲନ୍‌, ବନାୟନ୍‌; 44 କେନ୍‌ ଅଡ଼୍‌କୋଞ୍ଜି ବଡେସାବାୟ୍‌ଜି ବିବାଲଞ୍ଜି; ଆରି ତି ଆଡୁକ୍ରିଞ୍ଜି ଆମଙ୍‌ସିଲଡ୍‌ ଆନା ଆନା କୋଡନେଞ୍ଜି ।*