1 Nawai a, no te unga o te kingitanga o Rehopoama, a ka whai kaha ia, whakarerea ake e ia te ture a Ihowa, e ratou ko Iharaira katoa.

2 Na i te rima o nga tau o Kingi Rehopoama ka haere mai a Hihaka kingi o Ihipa ki Hiruharama, kua whakakeke nei hoki ratou ki a Ihowa,

3 Me nga hariata tekau ma rua rau, me nga hoia eke hoiho e ono tekau mano: kahore hoki he tauanga o te hunga i haere tahi mai i a ia i Ihipa; ko nga Rupimi, ko nga Hukiimi, ko nga Etiopiana.

4 Na kua riro i a ia nga pa taiepa o Hura, a ka tae ki Hiruharama.

5 Katahi a Hemaia poropiti ka haere mai ki a Rehopoama, ki nga rangatira o Hura i huihui nei ki Hiruharama i te wehi i a Hihaka, a ka mea ki a ratou, Ko te kupu tenei a Ihowa, Kua whakarerea ahau e koutou, no reira kua waiho atu koutou e ahau ki te ringa o Hihaka.

6 Katahi ka whakaiti nga rangatira o Iharaira me te kingi i a ratou, ka mea, He tika a Ihowa.

7 A, no te kitenga o Ihowa kua whakaiti ratou i a ratou, ka puta te kupu a Ihowa ki a Hemaia; i mea ia, Kua whakaiti ratou i a ratou; e kore ratou e huna e ahau; engari ka hoatu e ahau ki a ratou he oranga, he mea iti nei; e kore hoki toku riri e t ahoroa ki runga ki Hiruharama e te ringa o Hihaka.

8 Otiia ka meinga ratou hei pononga mana; kia mohio ai ratou ki taku mahi, ki te mahi ano a nga kingitanga o nga whenua.

9 Heoi haere ana mai a Hihaka kingi o Ihipa ki Hiruharama, tangohia ana e ia nga taonga o te whare o Ihowa, me nga taonga o te whare o te kingi: riro katoa ana i a ia: tangohia ana ano e ia nga pukupuku koura i hanga nei e Horomona.

10 Na ka hanga e Kingi Rehopoama etahi pukupuku parahi hei whakakapi mo era, a tukua ana e ia ki te ringa o te rangatira o nga kaitiaki, i tiaki nei i te tatau o te whare o te kingi.

11 Na i te wa i haere ai te kingi ki te whare o Ihowa, ka haere nga kaitiaki ki te tiki, a whakahokia ana e ratou ki te whare o nga kaitiaki.

12 Na i a ia ka whakaiti i a ia, ka tahuri atu te riri o Ihowa i a ia, kia kaua ia e whakangaromia rawatia e ia: he pai hoki nga mea i kitea ki a Hura.

13 Heoi kua u a Kingi Rehopoama ki Hiruharama hei kingi: e wha tekau ma tahi hoki nga tau o Rehopoama i a ia ka meinga hei kingi, a kotahi tekau ma whitu nga tau i kingi ai ia ki Hiruharama, ki te pa i whiriwhiria e Ihowa i roto i nga iwi katoa o I haraira hei waihotanga iho mo tona ingoa. A ko te ingoa o tona whaea ko Naama, he Amoni.

14 He kino tana mahi; kihai hoki i whakatikaia e ia tona ngakau ki te rapu i a Ihowa.

15 Na, ko nga meatanga a Rehopoama, o mua, o muri, kahore ianei i tuhituhia ki te pukapuka a Hemaia poropiti, ki ta Iro matakite ano, kei reira nei nga korero whakapapa? Na he whawhai ta Rehopoama raua ko Ieropoama ki a raua i nga ra katoa.

16 Na kua moe a Rehopoama ki ona matua, a tanumia iho ki te pa o Rawiri; a ko Apia, ko tana tama, te kingi i muri i a ia.

1 罗波安的王位稳定， 他也强盛起来， 就离弃了耶和华的律法， 全体以色列人也都跟随他。

2 罗波安王第五年， 埃及王示撒上来攻打耶路撒冷， 因为他们得罪了耶和华。

3 示撒率领战车一千二百辆， 马兵六万， 和他一同从埃及出来的路比人、苏基人和古实人， 多得无法数算。

4 他攻取了犹大境内的设防城， 然后来到耶路撒冷。

5 那时， 犹大的众领袖， 因为示撒的缘故， 就聚集在耶路撒冷； 示玛雅先知就来见罗波安和众领袖， 对他们说： "耶和华这样说： ‘你们既然离弃了我， 所以我也离弃你们， 把你们交在示撒的手里。’"

6 于是以色列的众领袖和君王， 都谦卑下来， 说： "耶和华是公义的。"

7 耶和华看见他们谦卑下来， 耶和华的话就临到示玛雅， 说： "他们既然谦卑下来， 我就不灭绝他们； 我必使他们暂时得救， 我必不借着示撒把我的烈怒倾倒在耶路撒冷。

8 虽然这样， 他们仍必作示撒的仆人， 好使他们知道， 服事我和服事世上的列国有什么分别。"

9 于是埃及王示撒上来攻打耶路撒冷， 夺取了耶和华殿和王宫里的宝物， 把它们全部带走， 又夺去了所罗门所做的金盾牌。

10 罗波安王做了一些铜盾牌代替那些金盾牌， 交给那些看守宫门的守卫长看管。

11 每逢王进耶和华殿的时候， 守卫就来拿这些盾牌， 事后又把盾牌送回守卫房那里。

12 王既然谦卑下来， 耶和华的烈怒就止息， 没有把他完全消灭。何况在犹大中还有善事。

13 罗波安王在耶路撒冷渐渐强盛， 继续作王。罗波安登基的时候是四十一岁； 他在耶和华从以色列众支派中选出来， 立下他名的耶路撒冷城中， 作王十七年。罗波安的母亲名叫拿玛， 是亚扪人。

14 罗波安行恶， 因为他没有定意寻求耶和华。

15 罗波安的事迹， 一生的始末， 不是都记在示玛雅先知， 和先见易多的记录上吗？罗波安和耶罗波安二人常有争战。

16 罗波安和他的列祖同睡， 埋葬在大卫城里。他的儿子亚比雅接续他作王。