1 Na ka karanga a Ihowa ki a Mohi, ka korero ki a ia i roto i te tapenakara o te whakaminenga, ka mea,

2 Korero ki nga tama a Iharaira, mea atu ki a ratou, Ki te kawea e tetahi tangata o koutou he whakahere ki a Ihowa, me kawe ta koutou whakahere i roto i nga kararehe, ara i roto i nga kau, i roto ranei i nga hipi.

3 Ki te mea he tahunga tinana tana whakahere no nga kau, me tapae e ia he toa, he kohakore: ka tuku ai ki te whatitoka o te tapenakara o te whakaminenga, hei mea e manakohia ai ia i te aroaro o Ihowa.

4 A me popoki tona ringa ki te pane o te tahunga tinana; a ka manakohia tana, hei whakamarie mona.

5 Na me patu te kau ki te aroaro o Ihowa: a me kawe te toto e nga tohunga, e nga tama a Arona, me tauhiuhi te toto ki te aata a tawhio noa, ki tera i te whatitoka o te tapenakara o te whakaminenga.

6 Na me tihore e ia te tahunga tinana, a me tapatapahi tenei wahi ona, tenei wahi ona.

7 Na me maka he ahi e nga tama a Arona tohunga ki runga ki te aata, me whakapai hoki nga wahie ki runga ki te ahi:

8 Na ka whakararangi ai nga tohunga, nga tama a Arona, i nga pihi, te pane me te ngako, ki nga wahie o te ahi i te aata.

9 Ko ona whekau ia, me ona waewae, me horoi ki te wai, ka tahu katoa ai te tohunga ki runga ki te aata hei tahunga tinana, hei whakahere ahi, hei kakara reka ki a Ihowa.

10 Na, no te kahui tana whakahere no nga hipi, no nga koati ranei, hei tahunga tinana; me kawe e ia he toa, he mea kohakore,

11 Ka patu ai ki te taha ki te raki o te aata, ki te aroaro o Ihowa: a ma nga tohunga, ma nga tama a Arona, e tauhiuhi ona toto ki te aata a tawhio noa.

12 Na ka tapatapahi ai ia he wahi, he wahi, tona pane, tona ngako; a ma te tohunga e whakararangi ki nga wahie o te ahi i runga i te aata:

13 Ko nga whekau ia, me nga waewae, me horoi ki te wai: a ka kawe katoa ai te tohunga, ka tahu ai ki te aata: he tahunga tinana hoki, he whakahere ahi, he kakara reka ki a Ihowa.

14 Na, mehemea he tahunga tinana no nga manu tana whakahere ki a Ihowa, na me kawe e ia tana whakahere i roto i nga kukupa, i roto ranei i nga pi kukupa.

15 A ma te tohunga e kawe ki te aata, e whakawiri atu tona pane, ka tahu ai ki runga ki te aata; a ko ona toto me tuku kia heke ki te taha o te aata:

16 A ko tona puku me tona paru me tango, a ka maka ki te taha ki te rawhiti o te aata, ki te wahi o nga pungarehu:

17 Na me hahae e ia ma ona parirau, otiia kaua e motuhia rawatia; a ma te tohunga e tahu ki runga ki te aata, ki nga wahie o te ahi: he tahunga tinana tena, he whakahere ahi, he kakara reka ki a Ihowa.

1 耶和华呼叫摩西， 从会幕里对摩西说：

2 "你要告诉以色列人说： 如果你们中间有人把供物献给耶和华， 就要从牛群羊群中献家畜为供物。

3 他的供物若是献牛作燔祭， 就要把一头没有残疾的公牛， 牵到会幕门口， 就可以在耶和华面前蒙悦纳。

4 他要按手在燔祭牲的头上， 燔祭就蒙悦纳， 可以为他赎罪。

5 他要在耶和华面前宰杀那公牛， 亚伦子孙作祭司的， 要奉上血， 泼在会幕门口祭坛的四周。

6 那人要剥去燔祭牲的皮， 把燔祭牲切成块子。

7 亚伦子孙作祭司的， 要把炭火放在祭坛上， 把柴排列在火上；

8 亚伦子孙作祭司的， 要把肉块和头， 以及脂肪， 排列在祭坛炭火上的木柴上面。

9 那人又要用水洗净内脏和腿； 祭司就把这一切全献在祭坛上焚烧， 作为燔祭， 就是献给耶和华馨香的火祭。

10 "人的供物若是献羊作燔祭， 不论是绵羊或是山羊， 总要献一只没有残疾的公羊。

11 他要在耶和华面前， 在祭坛的北面， 把羊宰杀； 亚伦子孙作祭司的， 要把羊血泼在祭坛的四周。

12 那人要把燔祭牲切成块子； 祭司就把肉块、头和脂肪， 排列在祭坛炭火上的木柴上面；

13 那人又要用水洗净内脏和腿， 祭司就把这一切全献在祭坛上焚烧， 作为燔祭， 就是献给耶和华馨香的火祭。

14 "人若是献鸟类为燔祭作耶和华的供物， 就要献斑鸠或雏鸽。

15 祭司要把鸟带到祭坛那里， 扭下它的头来， 焚烧在祭坛上； 又把鸟血挤出来， 流在祭坛的壁上；

16 又要除掉鸟的嗉囊和脏物， 丢在祭坛东边， 倒灰的地方。

17 然后要拿着两个翅膀把鸟撕裂， 只是不可撕断。祭司要把它放在祭坛， 在炭火上的木柴上面焚烧， 作为燔祭， 就是献给耶和华馨香的火祭。"