ଦାନିୟେଲ୍ତେ ଦର୍ଶନ ମେଣ୍ଢା ନୁ ମେଣ୍ଢାପିଲେ
1 ବେଲ୍ଶତ୍ସର8:1 ଦାନିୟେଲ୍ତେ ସ୍ୱାପ୍ନେ ରାଜାନ୍ ରାଜତ୍ୱତେ ତୃତୀୟ ୱାଡ଼୍ସେତେ ନାନେ ଦାନିୟେଲ୍ ପ୍ରତମ୍ ଦର୍ଶନତେ ଲେକାମ୍ ମେଣ୍ଡେ ୱେରଡ଼୍ ଦର୍ଶନ ଉଡ଼୍ତାନ୍। 2 ମେଣ୍ଡେ, ନାନେ ଦର୍ଶନ ଉଡ଼୍ତାନ୍ ଯେ; ନାନେ ଉଡ଼ ଉଡ଼ ଉଡ଼୍ତାନ୍ ଯେ, ନାନେ ଏଲମ୍ ପ୍ରଦେଶ୍ତେ ଶୁଶନ୍ ରାଜାନ୍ ଲୋନ୍ ମିନ୍ଦେନ୍; ଆଦ୍ ଦର୍ଶନତେ ନାନେ ଉଡ଼୍ତାନ୍ ଯେ, ନାନେ ଉଳୟ ଇଲ୍କେତ୍ ଗାରେ ମିନ୍ଦେନ୍। 3 ଆସୁଙ୍କ୍ ନାନେ କଣ୍ଡା ନାକି ଉଡ଼୍ତାନ୍ ଯେ, ଉଡ଼େ, ବେଡ଼େତ୍ ମୁନେ ୱେରଡ଼୍ ମେଣ୍ଢା ନିସ୍ମିନ୍ଦେ, ଆଦିନ୍ ରେଣ୍ଡ୍ କଃକ୍ ନୁ ଆୱୁ ରେଣ୍ଡ୍ କଃକ୍ ଲାଟି; ମାରତ୍ ୱେରଡ଼୍ କଃର୍ ୱେରେତାଦିନାଗାଙ୍କ୍ ଡେଙ୍ଗ୍ ନୁ ବେନେ ଡେଙ୍ଗ୍, ଆଦ୍ ପେର୍କେ ପେୟିତ୍ତେ। 4 ନାନେ ଆଦ୍ ମେଣ୍ଢାତିଙ୍କ୍ ପଶ୍ଚିମ୍ ନୁ ଉତ୍ତର୍ ନୁ ଦକ୍ଷିଣ ପାକେଙ୍କ୍ ତୁର୍ସି ଆଦାନାଦ୍ ଉଡ଼୍ତାନ୍; ମେଣ୍ଡେ, ବାତେବା ପଶୁ ଆଦିନ୍ ମୁନେ ନିତେ ପାର୍ୱଆତ୍ତା, କି ଆଦିନ୍ କାଇଦାଗାଙ୍କ୍ ଉଦ୍ଦାର୍ ମାଡ଼ାନଙ୍କ୍ ବେନ ଇଲାଣ୍ଡ୍; ମାତର୍ ଅଣ୍ଡ୍ ନିଜେତ୍ ଇଚ୍ଛାତେ କାମ୍ମାଡ଼ି ନିଜେ ପେର୍ସ୍ପି କେତ୍ତଣ୍ଡ୍।
5 ମେଣ୍ଡେ, ନାନେ ଇଦ୍ ବିଷୟ ଏର୍କେ ମାଡ଼ ମାଡ଼ ଉଡ଼୍ତାନ୍ ଯେ, ଉଡ଼େ, ୱେରଡ଼୍ ମେଣ୍ଢେପିଲେ ପଶ୍ଚିମ୍ ପାକେଙ୍କ୍ ସାରେ ପୃତିବିତିଙ୍କ୍ ପାର୍ ଆସ୍ ୱାଦୁତ୍ ନୁ ଆଦ୍ ବୁମ୍ଦାଗ୍ ମୟ; ମେଣ୍ଡେ, ଆଦ୍ ପିଲେତେ ରେଣ୍ଡ୍ କଣ୍ଡାନ୍ ନାଡ଼୍ମେ ୱେରଡ଼୍ ବେଡ଼ିୟାଦ୍ କଃର୍ ମାତ୍ତେ। 6 ମେଣ୍ଡେ ନାନେ ବେନ୍ ରେଣ୍ଡ୍ କଃକିନ୍ ମେଣ୍ଢାତିଙ୍କ୍ ବେଡ଼େମ୍ତେ ମୁନେ ନିତାନାଦ୍ ଉଡ଼୍ତାନ୍, ଆଦିନ୍ ପାକେ ଆଦ୍ୱାସ୍ ନିଜେତ୍ ଶକ୍ତି କପାମ୍ତେ ଆଦ୍ ପରୁ ମିର୍ତେ। 7 ମେଣ୍ଡେ, ନାନେ ଉଡ଼୍ତାନ୍ ଯେ, ଆଦ୍ ମେଣ୍ଢାତ୍ ପାକେ ୱାତ୍ତେ ନୁ ଆଦିନ୍ ପରୁ ଗାଟି କପାମ୍ ଆସ୍ ଆଦ୍ ମେଣ୍ଢେତିଙ୍କ୍ କଟ୍ତେ ନୁ ଆଦିନ୍ ରେଣ୍ଡ୍ କଃକିଙ୍କ୍ ଉଃତେ ନୁ ଆଦିନ୍ ମୁନେ ନିତାନଙ୍କ୍ ଆ ମେଣ୍ଢେତେ ମେଣ୍ଡେ ଶକ୍ତିଇଲ୍ୱେ ମାତ୍ତେ; ମାତର୍ ଆଦ୍ ପିଲେ ଆଦିନ୍ କାଇଦେ ଆଦ୍ ମେଣ୍ଢେତିଙ୍କ୍ ଉଦ୍ଦାର୍ ମାଡ଼ାନଙ୍କ୍ ବେନ ଇଲ୍ୱେ ମାତ୍ତଡ଼୍। 8 ତାନ୍ପେର୍କେ ଆଦ୍ ପିଲେ ଶକ୍ତିମାଡ଼ି କେତ୍ତେ ନୁ ଆଦ୍ ଶକ୍ତିତାଦ୍ ମାତ୍ତେ ୱେଲେ ଆଦିନାଦ୍ ବେଡ଼ିୟାଦ୍ କଃର୍ ଉଃତଡ଼୍; ମେଣ୍ଡେ, ଆଦିନ୍ ବାଦୁଲ୍ତେ ମାବ୍ତେ ସାରେପାକା ନାଲୁ ପାକାଙ୍କ୍ ନାଲୁ କଃକ୍ ପେୟିତ୍ତା। 9 ମେଣ୍ଡେ, ଆ କଃକିନାଗାଙ୍କ୍ ୱେରଡ଼୍ ସୁଦୁରାଦ୍ କଃର୍ ପେଇସ୍ ଦକ୍ଷିଣ ନୁ ପୂର୍ବ ରମ୍ୟଦେଶ୍ ପାକେ ଅଦିକ୍ ନାର୍ଗେ ଆତ୍ତେ। 10 ମେଣ୍ଡେ, ଆଦ୍ ସ୍ୱର୍ଗ ସୈନ୍ୟଦଲ୍ ଯାକ ଇଦ୍ ନାର୍ଗେ ଆତ୍ତେ ନୁ ଆଦ୍ ସୈନ୍ୟଦଲ୍ ନୁ ଉକାକ୍ ବେସ୍କିଙ୍କ୍ ବୁମ୍ଦାଗ୍ ହେସି ଆୱିଙ୍କ୍ ଡେକେତଡ଼୍ ନକ୍ତେ। 11 ହଁ, ବାହିନୀନଡ଼୍ ଅଦିପତି ବିରୁଦ୍ଦ୍ତେ ନିଜେତାଦ୍ ନାର୍ଗେ ମାଡ଼ିମିକା ଆଦିନାଗାଙ୍କ୍ ନିତାଲ୍ ହୋମାର୍ଥକ ବଳି ବନ୍ଦ୍ ମାଡ଼୍ତେ ନୁ ଆଦିନ୍ ଧର୍ମ ନଷ୍ଟ ଆତ୍ତେ। 12 ମେଣ୍ଡେ, ଆଦେଶ୍ ପାଲନ୍ମାଡ଼ାନ୍ ସେଙ୍ଗେ ନିତାଲ୍ ହୋମବଳି ତଡ଼୍ ସୈନ୍ୟଦଲ୍ ଆଦିନ୍ କାଇଦାଗ୍ ସର୍ପା ମାଡ଼୍ତେ ନୁ ଆଦ୍ କଃର୍ ସତ୍ତିଙ୍କ୍ ନେଲ୍ ହେସ୍ତେ, ମେଣ୍ଡେ ବାତେ ଇଚ୍ଛାଲେକାତ୍ କାମ୍ ମାଡ଼ି ପୁରା ଲାବ୍ମାଡ଼୍ତେ।
13 ତାନ୍ପେର୍କେ ନାନେ ୱେରଡ଼୍ ପବିତ୍ର ନାରୁଣ୍ଡ୍ ଗଟିକେତାନାଦ୍ କେଞ୍ଜ୍ତାନ୍; ମେଣ୍ଡେ, ବେନ ଗଟି କେତ୍ତଣ୍ଡ୍, ଆଦିଙ୍କ୍ ୱେରେ ଅର୍ତୁଣ୍ଡ୍ ପବିତ୍ର ନାରୁଣ୍ଡ୍ ପଚାର୍ମାଡ଼୍ତଣ୍ଡ୍, ନିତାଲ୍ତେ ହୋମବଳି ନୁ ଦଂସମାଡ଼ାନଡ଼୍ ଆଦେଶ୍- ମାନେମ୍ ଆୟ୍ୱେନଡ଼୍ ଦଲିତ ଆଦାନ୍ ସେଙ୍ଗେ ପଡ଼୍ୟେତେ ନୁ ବାହିନୀତେ ସର୍ପା ଆଦାନ୍ ବିଷୟ୍ ବେନ୍ ଦର୍ଶନ୍, ଆଦ୍ ବେସ୍କ କାଲାମ୍ ଜାକ ଆଦ୍ତେ ? 14 ଆସୁଟ୍ ଅଣ୍ଡ୍ ନାକିଙ୍କ୍ କେତ୍ତଣ୍ଡ୍, ରେଣ୍ଡ୍ ହଜାର୍ ତିନିଶହ ମୁଲ୍ପୁଟ୍ ନୁ ନାର୍କୁକ୍ ଆୟିନା; ଆସୁଙ୍କ୍ ଆୟିନା ପବିତ୍ର ପଡ଼ିୟେ ପରିସ୍କାର୍ ଆଦ୍ତେ।
ଦର୍ଶନତେ ଅର୍ଥ କେତାନାଦ୍
15 ତାନ୍ପେର୍କେ ନାନେ ଦାନିୟେଲ୍ ଇଦ୍ ଦର୍ଶନ ପାହେମ୍ ଆତ୍ତେ ପେର୍କେ ବୁଜେମ୍ ଆଦାନଙ୍କ୍ ଚେଷ୍ଟା ମାଡ଼୍ତାନ୍; ମେଣ୍ଡେ ଉଡ଼େ, ନାରୁନ୍ଲେକାମ୍ ୱେରଣ୍ଡ୍ ନାରୁଣ୍ଡ୍ ମୁନେ ନିତ୍ତଣ୍ଡ୍। 16 ମେଣ୍ଡେ, ଉଳୟ ବେଡ଼େମ୍ତାଗାଙ୍କ୍ ନାନେ ନାରୁଣ୍ଡ୍ ଲେଙ୍ଗ୍ କେଞ୍ଜ୍ତାନ୍, ଅଣ୍ଡ୍ କାର୍ଙ୍ଗି କେତ୍ତଣ୍ଡ୍, "ହୋ ଗାବ୍ରିଏଲ୍, ଇ ନାରୁଙ୍କ୍ ଦର୍ଶନତେ ଅର୍ଥ ବୁଜାମାଡ଼ିମ୍।" 17 ତାନ୍ପେର୍କେ ନାନେ ବେନ୍ ପଡ଼ିୟେତାଗ୍ ନିସ୍ ମାତ୍ତାନ୍, ଆଦ୍ ପଡ଼ିୟେତ୍ ଗାରେ ଅଣ୍ଡ୍ ୱାତ୍ତଡ଼୍; ମେଣ୍ଡେ, ଅଣ୍ଡ୍ ୱାତ୍ତାଙ୍କ୍, ନାନେ ୱାର୍ତାନ୍ ନୁ କାପ୍ମୁଡ଼୍ନ୍ଦି ରାଲ୍ତାନ୍; ମାତର୍ ଅଣ୍ଡ୍ ନାକିଙ୍କ୍ କେତ୍ତଣ୍ଡ୍, ହୋ ନାରୁଣ୍ଡ୍ ପିଲାନଡ଼ି, ବୁଜେମ୍ ଆୟ୍ମୁଟ୍; ବାତେଙ୍କ୍ଇତ୍କେ ଇଦ୍ ଦର୍ଶନତେ ତେରାନ୍ କାଲାମ୍ତେ ବିଷୟ୍ କି। 18 ଅଣ୍ଡ୍ ନାକିଙ୍କ୍ କେସ୍ କେସ ନାନେ ବୁମ୍ଦାଗ୍ ମକମ୍ମାଡ଼ି ଲୋତ୍ତାଗ୍ ଉସ୍କାଡ଼୍ ଉଞ୍ଚ୍ତାନ୍; ମାତର୍ ଅଣ୍ଡ୍ ଇଟିମିକା ନାକିଙ୍କ୍ ତେତ୍ତଣ୍ଡ୍। 19 ମେଣ୍ଡେ, ଅଣ୍ଡ୍ ନାକିଂଙ୍କ୍ କେତ୍ତଣ୍ଡ୍, ଉଡ଼େ, କପାମ୍ତେ ପରିଣାମ୍ ସମୟ୍ତେ ବାତେ ଗଟେମ୍ ଆଦ୍ତେ, ଆଦ୍ ମାମେ ନିକିଙ୍କ୍ କେତିତମ୍; ବାତେଙ୍କ୍ଇତ୍କେ ଇଦ୍ ତିଆର୍ ଆତ୍ତେ ପେର୍କେ କାଲାମ୍ତେ ଗଟ୍।
20 ନିମେ ବେନ୍ ମେଣ୍ଢା ଉଡ଼୍ତିନ୍, ଆଦିନ୍ ରେଣ୍ଡ୍ କଃକ୍ ମାଦୀୟ ନୁ ପାରସିକ ରାଜା। 21 ମେଣ୍ଡେ, ଅଣ୍ଡ୍ ମେଣ୍ଢେପିଲେ ଗ୍ରୀସ୍ ଦେଶ୍ତେ ରାଜାଲ୍ ନୁ ଆଦିନ୍ ରେଣ୍ଡ୍ କଣ୍ଡାନ୍ ନାଡ଼୍ମେ ମାନ୍ଦାନାଦ୍ ବେଡ଼ିୟାଦ୍ କଃର୍ ପ୍ରତମ୍ ରାଜାଲ୍। 22 ବେନ୍ କଃର୍ ଉର୍ଙ୍ଗିମିକା ଆଦ୍ ପଡ଼ିୟେତାଗ୍ ବେନ୍ ନାଲୁ କଃକ୍ ପେୟିତ୍ତା, ଆଗେ ଆଦ୍ ଦେଶୀୟନଡ଼୍ ଡ଼ାଗାଙ୍କ୍ ନାଲୁ ରାଜ୍ୟ ତିଆର୍ ଆଦାନାଦ୍ ପୁନ୍ଦିଡ଼୍, ମାତର୍ ଶକ୍ତିତେ ଆଦିନ୍ ଲେକାମ୍ ଆୟ। 23 ମେଣ୍ଡେ, ଅଡ଼୍ ରାଜ୍ୟତେ ପରିଣାମ୍ ସମୟତେ ବେସୁଙ୍କ୍ ଆଦେଶ୍ ପାଲନ୍ମାଡ଼ାନଡ଼୍ ଆଦେଶ୍ ପାଲନ୍ ପୁରା ଆଦ୍ତେ, ଆସୁଙ୍କ୍ ବୟଙ୍କର୍ ବଦନ୍ ନୁ ସତ୍ୟବାକ୍ୟ ଜ୍ଞାନୀ ୱେରଣ୍ଡେ ରାଜାଲ୍ ପେୟିତିତଣ୍ଡ୍। 24 ଅଣ୍ଡ୍ ଶକ୍ତିତେ ଡ଼ୁଟାଙ୍କ୍ ଆଦ୍ତଣ୍ଡ୍, ମାତର୍ ଆଦିନ୍ ନିଜେତ୍ ଶକ୍ତିତେ ଆୟ; ମେଣ୍ଡେ, ଅଣ୍ଡ୍ ବାକ୍ୱାଲେକାମ୍ ନଷ୍ଟ ମାଡ଼ିତଣ୍ଡ୍ ନୁ କାଇଲି ମିକା ନିଜର୍ ଇଚ୍ଛାତେ କାମ୍ ମାଡ଼ିତେ; ମେଣ୍ଡେ, ଅଣ୍ଡ୍ ଶକ୍ତିନଡ଼୍କ୍ ନୁ ପବିତ୍ର ନାରୁଡ଼୍କିଙ୍କ୍ ନଷ୍ଟ ମାଡ଼ିତଣ୍ଡ୍। 25 ମେଣ୍ଡେ, ନିଜେ ଚାଲାକ୍ତେ ତଡ଼୍ ଆଦିନ୍ କାଇଦେ ଉପାୟ୍ ପୁରା ଆଦ୍ତେ ନୁ ଅଣ୍ଡ୍ ନିଜେତ୍ ଅନ୍ତଃକରଣ୍ତେ ନିଜେତିଙ୍କ୍ ଅଦିକ୍ମାଡ଼ି କେତିତଣ୍ଡ୍ ନୁ ଅଡ଼୍ ସିମ୍ସାମ୍ କାଲାମ୍ତେ ନାର୍ଗେନାରୁଡ଼୍କ୍ ନଷ୍ଟ ମାଡ଼ିତଣ୍ଡ୍; ମେଣ୍ଡେ, ଅଣ୍ଡ୍ ଅଦିପତିନଡ଼୍ ଅଦିପତିଙ୍କ୍ ସାରେ ପାକା ନିତ୍ତଡ଼୍; ମାତର୍ ଅଣ୍ଡ୍ ଆସାମ୍ କାଇଦେ ଉର୍ଙ୍ଗି ଆଦ୍ତଣ୍ଡ୍। 26 ମେଣ୍ଡେ, ମୁଲ୍ପୁଟ୍ ନୁ ନାର୍କୁକ୍ ବିଷୟତେ କେତ୍ତେ ଦର୍ଶନ ନିଜାମ୍; ମାତର୍ ନିମେ ଇଦ୍ ଦର୍ଶନ ଲେକି ନେଃମ୍; ବାତେଙ୍କ୍ଇତ୍କେ ଆଦ୍ ମୁନେଙ୍କ୍ତେ ନାର୍ଗେ ଦିନାତ୍ ଗଟ୍।
27 ତାନ୍ପେର୍କେ ନାନେ ଦାନିୟେଲ୍ ଆୟିତାନ୍ ନୁ ନାର୍ଗେଦିନାମ୍ ଯାକ ରଗ୍ତେ ମାତ୍ତାନ୍; ଆସୁଙ୍କ୍ ନାନେ ରାଜାଲ୍ ଇସ୍ ମାନ୍ଦାନ୍ କାମ୍ ମାଡ଼୍ତାନ୍; ମେଣ୍ଡେ, ନାନେ ଆଦ୍ ଦର୍ଶନତେ ଦାଦ୍ରେଲ୍ତାନ୍, ମାତର୍ ବେନ ଆଦ୍ ଦର୍ଶନ ବୁଜେମ୍ ଆୟ୍ୟଣ୍ଡ୍।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)