1 Ka magigl paugwa i, Jisas Krais, God Kere Yugwa Yagle, kowane awamo meglkwa i, kagno epigl paugwa. Jisas, ye Devit gawamo ta moglkwa. Te, Devit we, ye Abraham gawamo ta moglkwa. 2 Abraham okna ibo yagl gak ta kuglkwa, kagie Aisak we dugwa. Te, Aisak ere mogl, yagl gak ta kuglkwa, kagie Jekop we dugwa. Te, Jekop ere mogl, yagl Juda ya ye agiglema mudu kuglkwa. 3 Ana Juda ebie Tamar bogl yagl gak suo kiurka, kagno Peres ya Sera we dibrika. Te, Peres ere mogl, yagl gak ta kuglkwa, kagie Hesron we dugwa. Te, Hesron ere mogl, yagl gak ta kuglkwa, kagie Ram we dugwa. 4 Te, Ram ere mogl, yagl gak ta kuglkwa, kagie Aminadap we dugwa. Te, Aminidap ere mogl, yagl gak ta kuglkwa, kagie Nason we dugwa. Te, Nason ere mogl, yagl gak ta kuglkwa, kagie Salmon we dugwa. 5 Te, Salmon ere mogl, ebie Rahap bogl yagl gak ta kiurka, kagie Boas we dibrika. Te, Boas ere mogl, ebie Rut bogl yagl gak ta kiurka, kagie Obet we dibrika. Te, Obet ere mogl, yagl gak ta kuglkwa, kagie Jesi we dugwa. 6 Te, Jesi wam i, king Devit moglkwa.

Ana king Devit ere mogl, ebie Batseba bogl yagl gak ta kiurka, kagie Solomon we dibrika. Batseba ye okna yagl ta Uria we digwa i ebie moglkwa. 7 Te, Solomon ere mogl, yagl gak ta kuglkwa, kagie Rehoboam we dugwa. Te, Rehoboam ere mogl, yagl gak ta kuglkwa, kagie Abiya we dugwa. Te, Abiya ere mogl, yagl gak ta kuglkwa, kagie Asa we dugwa. 8 Te, Asa ere mogl, yagl gak ta kuglkwa, kagie Jehosafat we dugwa. Te, Jehosafat ere mogl, yagl gak ta kuglkwa, kagie Jehoram we dugwa. Te, Jehoram ere mogl, yagl gak ta kuglkwa, kagie Usia we dugwa. 9 Te, Usia ere mogl, yagl gak ta kuglkwa, kagie Jotam we dugwa. Te, Jotam ere mogl, yagl gak ta kuglkwa, kagie Ahas we dugwa. Te, Ahas ere mogl, yagl gak ta kuglkwa, kagie Hesekia we dugwa. 10 Te, Hesekia ere mogl, yagl gak ta kuglkwa, kagie Manase we dugwa. Te, Manase ere mogl, yagl gak ta kuglkwa, kagie Emon we dugwa. Te, Emon ere mogl, yagl gak ta kuglkwa, kagie Josaia we dugwa. 11 Te, Josaia ere mogl, Jehoiakin ya ye agiglema mudu kuglkwa. Ana igne i Babilon yoba ere mogl, Juda yoba mudu kuda bogl tedre, si kane si i pi dumo Babilon edigo, meglkwa.

12 Babilon yoba ye Juda yoba si kane si i pi dumo Babilon edigo, meglko, okuo Jehoiakin ere mogl, yagl gak ta kuglkwa, kagie Sealtiel we dugwa. Te, Sealtiel ere mogl, yagl gak ta kuglkwa, kagie Serubabel we dugwa. 13 Te, Serubabel ere mogl, yagl gak ta kuglkwa, kagie Abiut we dugwa. Te, Abiut ere mogl, yagl gak ta kuglkwa, kagie Eliakim we dugwa. Te, Eliakim ere mogl, yagl gak ta kuglkwa, kagie Asor we dugwa. 14 Te, Asor ere mogl, yagl gak ta kuglkwa, kagie Sadok we dugwa. Te, Sadok ere mogl, yagl gak ta kuglkwa, kagie Akim we dugwa. Te, Akim ere mogl, yagl gak ta kuglkwa, kagie Eliut we dugwa. 15 Te, Eliut ere mogl, yagl gak ta kuglkwa, kagie Eleasar we dugwa. Te, Eleasar ere mogl, yagl gak ta kuglkwa, kagie Matan we dugwa. Te, Matan ere mogl, yagl gak ta kuglkwa, kagie Jekop we dugwa. 16 Te, Jekop ere mogl, yagl gak ta kuglkwa, kagie Josep we dugwa. Josep kade moglkwa igne, ye abu Maria yugwa. Te, Maria we, ye Jisas kuglkwa. Jisas moglkwa i, nono ama God Kere Yugwa Yagl, Krais we dumga.

17 Yegl mere Abraham moglkwa ede u Devit mina ugwa igne, yugobuno 14-pela meglkwa. Te, Devit moglmara ede u Babilon yoba ye Juda yoba si kane si i pi dumo Babilon edigwa igne i yugobuno 14-pela ama meglkwa. Te, Babilon yoba ye Juda yoba si kane si i pi dumo Babilon edigwa igne i, ede u Krais mina ugwa igne, yugobuno 14-pela ama meglkwa.

18 Ana ka magigl paugwa i, Jisas Krais mam siragl mere ye kuglkwa i pre paugwa. Jisas mam Maria ya Josep bogl inabredi di padigl kodigwa. Di padigl kodigwa ba ye i swara edekrikwa igne, Mudu Murubuglo Maria yene dane panabedi eruko, dane paugo, yoba kanigwa. 19 Josep ebie Maria dane pamedi kandre, ye mabuno wakai boglsre, yagl du moglkwa pre ye sedinagledi prukwa. Yegl prukwa ba ta prukwa i, Na yoba gumuglno wagle sedinaglka i, Maria agai gogl, kagie kide i dinabedi ugl mage ere, sedinagledi, yegl di prukwa. 20 Angelo ta Josep di tedre, Maria ene ebin morabedi yo dugwaYe yegl eragledi kina gudu pre moglsre, ugl pai, ugl kubu ta kanugwa. Ye ugl kubu kanumara Yagl Kade angelomo ye moglmara udre, ye yegl di togwa, Josep yo, ene Devit gawamo ta motnga i, Maria ene ebin morabuka i, kudugl goglkro! Gak erme ye dane wagle moglkwa i, Mudu Murubuglo ye dane panabedi eruko, dane paugwa. 21 Ye gak ta kurabuka i, yagl gak ta kurabuka. Ye kuran, ene ye kagie Jisas* we dinatniwa. I siragl pre ye yobama tadaglmeno kubun ere tedre, ye ere inabiwe di, yegl dugwa.

22 Ana taragl mudu yegl mere plau digwa i, okna ibo ka kep yagl ta Yagl Kade dra idre, dugwa i, mogo korabedi plau digwa. 23 Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe* di, yegl dugwa. Ana kagie Emanuel i, mabuno ta paugwa, God nono munara moglkwa.

24 Ana Josep we, ye ugl pai, aduglkwa igne, ye Yagl Kade angelomo ye di tomere ere, Maria ye ebie morabedi yugwa. 25 Yugwa ba igne i ede pi Maria yagl gak ikra kuglkwa igne i, ye bogl swara paikribrika. Bogl swara paikribriko, Maria yagl gak kuglko, Josep ye kagie Jisas yei togwa.