20 Ye yegl eragledi kina gudu pre moglsre, ugl pai, ugl kubu ta kanugwa. Ye ugl kubu kanumara Yagl Kade angelomo ye moglmara udre, ye yegl di togwa, Josep yo, ene Devit gawamo ta motnga i, Maria ene ebin morabuka i, kudugl goglkro! Gak erme ye dane wagle moglkwa i, Mudu Murubuglo ye dane panabedi eruko, dane paugwa. 21 Ye gak ta kurabuka i, yagl gak ta kurabuka. Ye kuran, ene ye kagie Jisas1.21 Ka Grik wagle, kagie Jisas mabuno ta paugwa, God no ere yugwa. we dinatniwa. I siragl pre ye yobama tadaglmeno kubun ere tedre, ye ere inabiwe di, yegl dugwa.
22 Ana taragl mudu yegl mere plau digwa i, okna ibo ka kep yagl ta Yagl Kade dra idre, dugwa i, mogo korabedi plau digwa. 23 Ye kamo yegl paugwa, Ene prio! Abai ta ege swara ta kumugl yagl bogl paikraiglkwa i, dane panan, yagl gak ta kurabuka. Ye kuran, yoba yagl gak i kagie Emanuel we dinaiglmiwe1.23 Asaia 7.14 di, yegl dugwa. Ana kagie Emanuel i, mabuno ta paugwa, God nono munara moglkwa.
24 Ana Josep we, ye ugl pai, aduglkwa igne, ye Yagl Kade angelomo ye di tomere ere, Maria ye ebie morabedi yugwa. 25 Yugwa ba igne i ede pi Maria yagl gak ikra kuglkwa igne i, ye bogl swara paikribrika. Bogl swara paikribriko, Maria yagl gak kuglko, Josep ye kagie Jisas yei togwa.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)