11 Petulo viyavikile kae ya Antiokia simtogolele hazelu kwa vija kakala yabanange. 12 Wanhu waja wakalile walagizigwe na Petulo viwakalile wang'hali hawanavika, Petulo kakala yoja ndia hamwe na wanhu haweli Wayahudi. Mbali viwavikile wanhu wao, kaleka kuja hamwe na wanhu haweli Wayahudi, kwa kudumba chibumbila cha waja wowaswangiza wengile kumbi. 13 Hata Wayahudi wamwenga wamtogole Kilisito wailumba nayo Petulo muisang'hano ino ya ubilikizi, nawo wamtogola Balinaba viyalongile kwa mbuli ya ubilikizi wao. 14 Baho, vinionile kua wakala wolongelela mbuli ya Usenga Unogile vihile, nimlongela Petulo baho ha wanhu wose, "Gweye ni Myahudi mbali kokala kama wanhu haweli Wayahudi na si kama Myahudi. Ivo, kodahaze kuwashwangiza wanhu haweli Wayahudi kukala kama Wayahudi?"