ତିଆର୍କିନି ପାଣିଦୁ ବାଦା
1 ମାତର୍ ମାପୁ ଗଡା ତିଆର୍ କିଜିନାପ୍ ଇଜି ୱେନ୍ଞ୍ଜି ସନ୍ବଲ୍ଲଟ୍ ଗିଦିରି ମାରି ନାଣ୍ତ ରିସା ଆଜି ଜିହୁଦିୟରିଙ୍ଗ୍ ସେମାର୍ କିତାନ୍ । 2 ମାରି, ୱାନ୍ ନିଜେଦି ତଡ଼ାନ୍କୁ ନି ଶମରିୟା ସନ୍ୟଦଲ୍ ଆଗ୍ଡ଼ି ଇୟା ମାଟା ଇର୍ହାନ୍, "ଇୟା ସାକିସିଲି ଜିହୁଦିୟର୍ ଇନିକା କିଜିନିଦେର୍ ? ୱାର୍ ଇନିକା ଗାଡ଼୍ ବନ୍ଧ୍ କିଜି ତେବାନାର୍ ? ୱାର୍ ଇନିକା ବଲିଦାନ୍ କିନାର୍ ? ୱାର୍ ଇନିକା ଅର୍ଲେଟିଙ୍ଗ୍ ୱିସ୍ନାର୍ ? ୱାର୍ ଇନିକା ସାତ୍ଇଲୁଦାନ୍ ୱେତି କାଲୁ ଆଦ୍ଜି ଜିବନ୍ କିନାର୍ ?"
3 ଇୟା ବେଡ଼ାଦୁ ଅମ୍ମୋନିୟ ଟୋବିୟ ଆୟା ଲାକ୍ତୁ ମାର୍ହାନ୍, ମାରି ୱାନ୍ ଇର୍ହାନ୍, "ୱାର୍ ଆମାକା ତିଆର୍ କିଜିନାର୍, ଗଲୁ ଏକ୍ତିଙ୍ଗ୍ ୱାରି କାଲୁକୁ ଗଡା ରୁକୁନା ପୋକ୍ନାତ୍ ।"
4 ଏ ମା ମାପୁରୁ, ୱେନ୍ଆ; ଇରିଙ୍ଗ୍ ମାପୁ ସେମାର୍ କୁତାଜିନାପ୍; ୱାରି ସେମାର୍ ୱାରି ନିଜେଦି ତାଲାଦୁ ଆରିତ୍ ମାରି ୱାରିଙ୍ଗ୍ ଆଇଦେସ୍ତୁ ତର୍ସି ଡଙ୍ଗାଁ ଆଦେଙ୍ଗ୍ ସର୍ପେ କିଦୁ; 5 ମାରି ୱାରି ଅଦାର୍ମୁ ପିଡ଼ିକାମାଟ୍ ମାରି ମି ଆଗ୍ଡ଼ିରାନ୍ ୱାରି ପାପ୍ କେମା କିମାଟ୍; ଇରିଙ୍ଗ୍ ତିଆର୍କିନିୱାରି ଆଗ୍ଡ଼ି ୱାର୍ ମିଙ୍ଗିଁ ରିସା କିତାମାନାର୍ । 6 ଇୟାୱାଜା ମାପୁ ଗଡା ତିଆର୍ କିତାପ୍ ମାରି ଆବେଣି ଉଛାଦି ନାଣିମି ସାନ୍ଧି ୱିଜୁ ଗଡା ଉଡ୍ରେମାନୁ ମିସା କିତାର୍; ଆଦେଙ୍ଗ୍ ପାଣି କିଦେଙ୍ଗ୍ ଲୋକା ମନ୍ ମାର୍ହାତ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)