ଆଇ ଲୋକା ଉଣ୍ତିଙ୍ଗ୍ ନିହିମିୟାଦି ସିନ୍ତା
14 ମାରିବା, ନାନୁ ଜିହୁଦା ଦେସ୍ତୁ ୱାରି ପେରି ପଦ୍ତୁ ତେବାତିମାନି ଦିନ୍ତାନ୍, ମାରି, ଅର୍ତ୍ତକ୍ଷସ୍ତ ରାଜାଦି ସାସନ୍ତି କଡ଼େ ବାର୍ସେକ୍ତାନ୍ ତିରିସ୍ ଦୁଇ ବାର୍ସେକ୍ ସାନ୍ଧି ବାର ବାର୍ସେକ୍ ସାନ୍ଦି, ନାନୁ ନି ନା ତଡ଼ାନ୍କୁ ଦେସ୍ତି ପେରିୱାନି କାଦି ଉଣ୍ଏତାପ୍ । 15 ମାତର୍ ନା ଆଗ୍ଡ଼ିରି ଦେସ୍ତି ପେରିୱାରି ବଜୁ ଲୋକାଙ୍ଗ୍ ପିଣ୍ତିଦେଙ୍ଗ୍ ପଡ଼ାତାତ୍, ମାରି ୱାର୍ ସାଲିସ୍ ଗୋଟା ୱେଣ୍ତି ଅଦୁଲିଙ୍ଗ୍ ଲୋକାମାଣାନ୍ କାଦି ନି ଅଙ୍ଗୁର୍ରସ୍ ଅତାର୍; କେବଲ୍ ଆକା ସିଲେ, ୱାରି ଦାସକୁ ଲୋକା ମୁସ୍କୁ କାସ୍ଟୁ ସିତାର୍, ମାତର୍ ମାପୁରୁଦି ଉଣ୍ତିଙ୍ଗ୍ ତିୟେଲ୍ତି ଉଣ୍ତିଙ୍ଗ୍ ନାନୁ ଆୟାୱାଜା କିଏତା । 16 ମାରିବା, ନାନୁ ଇୟା ଗଡାଦି ପାଣିଦୁ କାସ୍ତା ତେବାତା ମାରି ମାପୁ ଇନି ବୁମି କଡ଼୍ଏତାପ୍; ମାରି, ନା ଦାସକୁ ୱିଜେରେ ଆବେନୁ ପାଣିଦୁ ଉଣ୍ତାତାର୍ । 17 ମାରିବା ମା ସାରିବେଡ଼ିତି ଆଇ ଦେସ୍ତିୱାରି ଲୋଇରାନ୍ ମା ଲାକ୍ତୁ ୱାଜିନି ଲୋକାଙ୍ଗ୍ ଡ଼ିସ୍ସି ଜିହୁଦି ନି ପେରିକାର୍ ସୋଏ ପଚାସ୍ ଲୋକୁ ନାନୁ ଉଣିମାନୁ ବାସ୍ତାର୍ । 18 ଆୟାବେଡ଼ାଦୁ ୱିଜୁଦିନ୍ ଉଡ୍ରି କଡି ନି ସୋଅ ଗୋଟା ନେଗି ମେଣ୍ତେଙ୍ଗ୍ ୱାର୍ତାର୍; ମାରିବା ନା ଉଣ୍ତିଙ୍ଗ୍ ଏସ ପଟିଙ୍ଗ୍ ୱାର୍ତାର୍ ମାରି ଦାସ୍ ଦିନ୍ତାନ୍ ଅର୍ସୁ ୱିଜୁଜାତିଦି ଅଙ୍ଗୁର୍ରସ ତିଆର୍ କିତାର୍; ମାରିବା ନାନୁ ଇୟା ୱିଜୁ ଉଣ୍ତିଙ୍ଗ୍ ଦେସ୍ତି ପେରିୱାନି କାଦି ବେସ୍ଏତା, ଇରିଙ୍ଗ୍ ଇୟା ଲୋକା ମୁସ୍କୁ ଦାସତି ବଜୁ ନାଣ୍ତ ଆତା ମାର୍ହାତ୍ ।
19 ଏ ନା ମାପୁରୁ, ନାନୁ ଇୟା ଲୋକା ଉଣ୍ତିଙ୍ଗ୍ ଏମେ ଏମେ ପାଣି କିତାମାନା, ନା ତରିନ୍ ନେଗି ଉଣ୍ତିଙ୍ଗ୍ ଆୟାୱିଜୁ ଏତ୍କିଆ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)