[Soko On in Sang Kulo]
Soko On In Kaksak
1 Fahkak pusren engan nu sin LEUM GOD, kowos facl nukewa.
2 Kulansupu LEUM GOD ke engan,
Kowos in tuku nu ye mutal ke on.
3 Kowos in etu lah LEUM GOD El God.
El pa orekutla, ac kut ma lal,
Kut mwet srahl, ac sheep lun ima lal.
4 Utyak nu in mutunoa sel ke kulo,
Ac nu in kalkal lal ke kaksak.
Sang kulo nu sel ac kaksakin Inel.
5 Tuh LEUM GOD El wo,
Lungkulang lal oan ma pahtpat,
Ac oaru lal nu sin fwil nukewa.
Domínio Público. Esta tradução bíblica de domínio público é trazida a você por cortesia de eBible.org.
/images/a/Tcg2NiV7ce24OT6kCIQGR)
/images/a/-h5KPk8ct3kLpCpYm9-g6)