1 Elos su lulalfongi in LEUM GOD, elos oana Fineol Zion,

Su koflana mukuikui, ac tia ku in mokleyuk.

2 Oana ke eol uh rauneak acn Jerusalem,

Ouinge LEUM GOD El rauneak mwet lal

Ingela ac nwe tok.

3 Mwet koluk fah tia leumi acn sin mwet suwoswos pacl nukewa;

Fin ouinge, sahp mwet suwoswos ac ku pac in oru ma koluk.

4 LEUM GOD, oru wo nu selos su oru wo,

Nu selos su akos sap lom.

5 A ke kom kai mwet koluk,

Kom in oayapa kaelos su fahsr liki inkanek lom.

Lela tuh Israel in muta in misla!