Psalm In Kaksakin LEUM GOD
1 Kaksakin LEUM GOD!
Ke insiuk nufon nga fah sang kulo nu sin LEUM GOD
In walil lun mwet lal.
2 Fuka woiyen orekma lun LEUM GOD!
Elos nukewa su engan kac elos ke etu kalmeya.
3 Ma nukewa El oru uh fahkak ke ku ac wal fulat lal.
Suwoswos lal ac fah oan ma pahtpat.
4 LEUM GOD El tia lela kut in mulkunla orekma wolana lal;
El kulang ac pakoten.
5 El sang mwe mongo nu selos su akfulatyal;
El tiana mulkunla wuleang lal.
6 El akkalemye ku lal nu sesr, mwet lal,
Ke El ase nu sesr acn sin mwet in mutunfacl saya.
7 El oaru ac suwoswos in ma nukewa El oru.
Sap lal nukewa fal in lulalfongiyuk.
8 Sap lal inge oakwuki na nwe tok,
Ituku ke pwaye ac suwoswos.
9 El aksukosokye mwet lal
Ac oru sie muleang kawil yorolos.
El mutallana ac kulana.
10 Sangeng111:10 sangeng: akfulatye, ku sunakin. sin LEUM GOD pa mutaweyen lalmwetmet.
Nu selos nukewa su akos ma sap lal, El sang elos in etu in oru sulela wo.
Fal in kaksakinyuk El ma pahtpat.111:10 Job 28:28; Soa 1:7; 9:10
Domínio Público. Esta tradução bíblica de domínio público é trazida a você por cortesia de eBible.org.
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)