Psalm 37:3,7,11,25

3 Lulalfongi in LEUM GOD ac oru ma wo;

Tuh kom fah ku in moul ac misla fin facl se inge.

7 Kom in mongfisrasr ac tupan ma LEUM GOD El fah oru;

Nikmet elya kaclos su kapkapak,

Ku elos su eis woiyen pwapa kutasrik lalos.

11 A mwet fakpap ac fah usrui acn uh,

Ac elos fah engankin mwe insewowo ac misla.✝37:11 Mt 5:5

25 Nga matuoh inge; nga moul paht na,

Tusruktu nga soenna liye sie mwet wo in pilesreyuk sin LEUM GOD,

Ku tulik natul in ngusr mwe mongo.